Yesu Huror wase u mimi, A tôô ibo kua ican yase, se mba a ian i van hen Aôndo, pasen Un atsan ase, zum ugen ka se tema daang je, doo se ken ishima ga, hungul se u van hen Aôndo a kwaghvihin se yum la.

Zum u ican a tseren se la, man ameen a taver yô, iyol i de ka kpen se je ga; se gba sônon Aôndo tsô, Un ka Huror wase u mimi, ican yase, A lan i ga; Yesu nyôr a vese nongo ken atsan ase cica.

Zum u kwagh ka a hemba se la, ishima kpaa i nyian se jee, se va gba U 'kyum Oryiman, We, U bee se 'can la kpee, Shin ahur ase a ndiir kpaa, se gba zan hen Ter, se sôn. Ken 'kyum Na se war kpee je, Una rumun se sha mhôôn.