We orkuran cighangar ne, shi nan je man sev a av? Se mba keghen kuma 'yol je, ime ngin ne ngi a tahav; sar se tsuung pe tugh a gema; Ter A taver se asema, zanzan ime kar kera man iyange due sha.

Ishan i sha use kpaa kôndo, je ngi yôôn tar sev mbu hev; shi côhin tsô iyange a kôndo; kuma pe se ember ime ve. lor mba nse ime wa ve, mba hiin nengen iwanger Na ne. Je mba moughon er ve a Na iwanger i Ter ne maraba.

Sha agee Ou, Ter kua myom Wou, kuma u hanmaor a war, sha kwaghôron Wou kua tom Wou i bugh gbenda hanma tar Mba ve vande vendan We la, mba geman sha ican i U ye la, terankon Wou kpaa ve fa, je ar hanma tar u 'caa.

Ter u mhôôn shi ver tom Wou ne, u za hemen sha agee, se mba se lu nongo Wou ne, iv se á Jijingi kpee, se nenge iengem i myom Wou ishima i taver se sha tom Wou; er dooshima Wou ne a ngee, se za hemen a tom Wou kpee.

Ter iveren You ngi kuan senen hanma 'jiir sha won, hanma tar kpaa ior mba zuan á iveren You sha mhôôn, lor Ou a mough sha dondo dondo, á va kohol sha ya u Aôndo, pe á gure Ter sha 'shi, á iwuese u hemban cii.