Kanyi atôatyev a kumbur yum akuraior a yôôso daang daang nee; Utor mba sha won cii ve zough sha num, sar ve ka hendan kwagh a Aôndo kpee; ve zua er a rumun Aôndo ga, kua Un u Aôndo A ver Un tor la kpaa; ve wa kwagh er, se venda nen kwagh Na, A de ka terman tor mayange ga.

Ter Aôndo tema sha, ngu kenger ve, ngu sen kwagh ve la cii ka 'byumegh waang. Ter Un a ôr ve 'jir sha 'yugh Na je; zum la kwagh a tser ve u bo, a hingir daang. Awashima u Ter ka kwagh u or a fatyô bunden ga, a er un keng. Ter tsegha Wan Na er A tema tor; nahan tar cii ua lu sha ikyev Na keng.

Man Tor u Aôndo A ver 'yol Na ne, tor Na ka kwagh u tsôron gbem sha won, Mbahyomov kua mbahendan cica ne, ve mba ve taver 'tyough sha 'yange i mhôôn, Ter Un a her ve sha 'yugh Na je. Ve a hingir er avur a tyeghegh nahan Yô, ne ior cica cii, lu nen a mfe, shi gema nen asema war nen 'can.

Yô, va a mciem sha 'shigh ki Aôndo wen, ta nen Un 'nya saansaan a ishima imôm, shi rumun nen wan Na u i mar Un tswen, A lu tor wen, nahan ne zua a myom, gayô, ka 'can u Un a yue ga. sha 'yange la a tim or fefa je. Mba i saan ve 'yol ka mba ve suur sha Na, kunya a kôr ve ga, ve a ember kpaa.