Kam ka veren 'shima sha We Aôndo wam me suur sha We ken atsan am kpaa m suur sha a we; yangem kunya man ahan a ior mba ve kerem ihyom; kunya a kôr ior mba ve lahan akaadoon Ou sha apera kpa u a kôr mbarumun We ga.

Terem tesem inja i kwagh Wou ken Ruamabera Wou je; er Jijingi Wou A tesem henpe gbenda Wou u ze; na kwagh Wou a doom kpen kpen; tindi Wou a lum ken 'shima; ka We je U yemem ye nahan me wuese We zanzan.

Sar anti u civir Aôndo Gayô, mdoom Nam jimin cii? Un a hemen nan shin tar ne Un a pase nan kwagh Na Un a na nan Uma Na U tsôron man akaa a doon Man tsombor u nan ua ya dyako u tar u doon u tsôron.

Kura 'shima yam yimam je yangem kunya ken tar ne gadia m va yer her a We je; seer Mo m taver ken jighjigh; perapera kpaa sarem shien u atsan a tserem, shien la Me suur sha a We Terem de kera undun Mo ga.