M ngu nan Ter Aôndo jighjigh, A hemba agee Na sha won; hanma tom Na ka u doon tseegh, Mo kpaa uma wam sha tar ne, ngu sha 'kyev Na jimin je; Un ka Aôndo wam man Terem; ka Un je me civir ye.

M na Yesu Kristu jighjigh, Wan u Ter u i mar Un tswen; Un ka Aôndo mimi mimi, Tom u tar sha won ka Wen man A er u cii sha mfe ye. Ka Un je A pase se, se fe Aôndo Ter u sha ye; mo me civir Un gbem je.

A va hingir or shin tar ne, iniunkwase mar Un je. A ya 'can je gande u ôron, pe mo m doo Un ishima ne, Ka sha ayange a Pilatu i har Un sha teran kpen kera yô, i za ii Un, A hungwa shin Hade je.

M ngu nan Cighan Jijingi jighjigh a ishima imôm; Un ka Aôndo mimi mimi; A va u eren tom u myom; tem Mbakristu ken asema ken ityar ityar sha won; mo kpaa ngu m ken ishima gbem je, hemen mo sha akaadoon.

M na Nongo u Kristu jighjigh, Nongo u sha won wuee ne; Ucighanmbaiorov sha won zua hingir kwagh môm je; ka ve mba i tsough ve cii la, er ve lu kwagh Na jim ye. Ka nongo u mo m lu ker ne, u u doom 'shima mimi je.

M na jighjigh mer, Ter Aôndo dem kwaghbo wam cica kpaa; ka sha makwagh môm môm je ga, saa sha awambe a Yesu la. Man shi 'yol yam i ngin ne je kpaa a va nder i shin ku je; man me lu a uma u tsôron Uma u mimi u Aôndo ne.

Aôndo u hemban hanma mfe cii, Ter man Wan, Jijingi kpaa pasem 'yol You Tere, m fa U, m na U jighjigh, m de cie ga. Dooshima u ior ve doo U, kehe hemba hanma mhen; Amen Ivangeli i Aôndo, 'shima yam kaa er; Amen.