Civir Aôndo wa Un 'cam je, gayô, Ter erem kwaghdoon; saan mo iyol u wan atsam ne; wuese yam Un gbem sha won, me ter Un me wa atsam sha ayange a uma wam.

De veren 'shima sha utor ga, ve fa u waren we je ga; de suur sha agee a or ga, zum u ka u saa kera, iyol na gema hingir inya, hanma mhen na bee cica.

Or u Aôndo A lu nan iwasen ka i lu nan iyol sarsar. Shin nan lu ken 'can i vesen, kpa nan gba Un ikyum nan war, shin ime ia wa nan nan, kpa nan suur sha Ter saan saan.

Sha agee a Aôndo Ter la, i gba sha man tar cica; makwagh môm ngu ga i myer ga; A fa mba ve suur sha Na man sha ityendezwa Na la, Un A gbihi ve je ga.

Un ka Aôndo u ageegh je, A va yima se sha mhôôn; Un A tema tor Un tseegh je; Tor Na ka u gbem sha won. Ior cii ter nen Aôndo 'cam wuese Un sha mhôônom Nam.