Ngise Satan er ifyer, sha tar u Sha, a soo u hingir er Aôndo u uma ve Aôndo, Tor na zwa ve Mikael, iyange daa, un shaala va gba shin tar ve yuhwa i, tôô ye, ngi kuan, yemen a na shin tyeku hen ape una za tim, ka nahan ve a lu, ave u keren ior mba ve a tim, ka nahan ve a lu ci ca ga kpa ma ve hemba iyenge

Iyuhwa, yô ka ayange atar ne, a alu yemen, fele fele sha u za, kuren, man tyeku yô gema, ka iyange i mkur u, tar ne u a kure, ka iyange i Ter Un a sen, a iyugh, Na ia shile sha diabolo man, tar ne kua ior, mba ifyer i doo ve ishima yô.

Ave, a orifyer ne a ngee gande, kpa m ngu teren kpuaa tsô, ka anger, iv ihyom i kôron liam u daang man aie, kua shi u tuhwan ior ka ave na, man hanma inja kwagh i Bibilo, i yange cii ka ave a ormsende, man mmee u a lu meen u uma ne ka mgese, u ave a ormee.

Tsô a kôr, ikpilaior ngu yemen a min guughkuku, ka u za guusu ken ber-usu, kpa ior kav ga mba zan a iember, ijimba kpa i ngee gande, idya hingir hwe hen mbagenev, kwagh u kunya ngu hingir, iceen hen ior mfe ga ne vihi gande, shi ifyer, hingir mbagenev, kwagh u ve a za gwa yô

Nenge uma u or, kera ngu tyôkyao hen ior, mba a kôr, ve la ga vihi kpishi, shi mba man, akaa a taver ior mbagenev, mba zenden, idyelegh ken u kasua man sha igbinda, kpa hen a ve yô ka iceen, ikpilaior, ger iember ken tar ne, kpa ne fe yô ma i lu u kwelegh, Tor u uma Ter Una zungwe, se mhôônom A yima tar wase

Ken Cighan, Nongo u Kristu kpa a kôr ior, mbagenev ker vihi kpishi, dooshima u Kristu ngu ken a ve ga ior mbagenev, kwagh kom ve ken Nongo, u Kristu ga ior, mbagban ahon ngee gande, a lu we a nenge a idya, kua angereke, ken Cighan Nongo yô, fa wer ka ior mba, orihyom a kôr ve u yemen ber-usu, de dondon nen ve ga.

Yô me nenge, ken uma wam angbian wam, we kpa gema nenge ken u wou, ka nyi kwagh, jim orihyom, a kôr u sha mini, u uma ci ca fanen ior, mbela mba i kôr ve sha atôakyaa a vesen, kua a kirirki cii ka ken mtim, u tsôron igyamusu, la ve a za, kure ye

Angbianev, gema nen asema na nen Yesu jighjigh, tar gema ken ikyuusu ve ityô yam, gande ape kyegh i a gber a gbihi wan jime, ka mba ve rumun Ter, Oryiman la ve a zua, a tahav mbu ve a hingir, ônov mba Ter Aôndo, ka ve tseegh ve a ya dyako, u uma u tsôron ye

Yô Ter hide mba a kôr, ve ve lu yemen, u za timin la Ter Aôndo, man shi, va iv se a Cighan, Jijingi er Un a hemen, se sha u, palegh ave a ormee, a de kôron se ga Tor Ugbem, a de bunden se dyako, wase u i ver se ga se fa i a na, ma yange ga, a va tim tseegh.