Kwagh u a kohol se ne, mbadondon Ter fan nen boo-or wa usu hen shie ne, nyôr a ityav kase se ayôôso, iwoo se hegen Kpa kpishi ye, er i va tum, se iyol se er nena?
Se vaa, se yila U Aôndo nenge kwagh u a kohol se ne ka ityav jim, man ayôôso, Ter i hembe se iyol je ka akera ga.
We Ter U hemban U pase se ken Bibilo, i pase se, er ityav mbi mbadondon Aôndo, Ter ka ityav You jim, U nôngo, ityav mbi ior You se ungwa, Tor u sha se yilan We
U nôngo ityav mbi, Iserael a Igipiti, inyinya, kua or hendan, Ter tim ve shin zege-mnger tim elegha, ken Jijingi yô Satan nôngo, nôngo a Ter Yesu Ter hemba bo-or aghidyetiôr, Davidi wanakiriki Wou hemba Goliati u Gati u gbamikyôr, shi a gber un tyogh ken ikyôngo, lu Ter hemba ityav ye.
Ter kwagh u tser se, hegen ne ka ityav jim, man ayôôso a lu eren, ken tar ne man, iwoo-or i lu ye, ayôôso ne yô Aôndo Ter a gee, sha igbinda kpishi je, shi a nyôr a vese se mbadondon ken ican, gande Ter se yilan We
Ter Tor Utsôron, ityav mbin jim jim kpa ka orgen u se fe ga nan, mough a vese ga, ka se ayol ase Tor, kera yina se hegen ga, ayôôso a inyaagh dumbur, iyuhe ngee kpishi, ican nyôr ijen ngi wuan ior, ortom ngu zuan a injar, i tom ka ken tar ne ajiir agenegh ga, se mbadondon kpa se vôr kpishi, i vihi ior yiav i nande ior i wua, ka ityav mbi tser se ne
Ka hanma, gomoti u tar me a, a lu suen ityav a gomoti, u tar ne di er a kimbi or, injar i tom ityav mbi a pev? Ortom a lu zuan a injar i tom ga Aôndo Tor, mba memen tom je yô i gema bee ifan i we ve yô, nenge ior Ishimael i wuan se ne ka ityav je, ka ayôôso a lu ken vese, ka ve zua a ian, u ve a hii ityav ye
Ve va nyôr a ityav ve, sembelee sha ayange ne iwua, ior ken tar wase, mba civir We, man mba tesen mkaanem Ou i paa a paa ve, ankyundanev kpa ve tswer ga, kunda iyol kpishi, Tor kasev mba lun iyav i wuan a iyav vev, zan zan je yô mba kuran tar kpa ve va nyôr a yem a kpatema Tor, sha u tsuun Tiv, u se yav yô, ve ve a ngohol tar u U ne se ne, u doon iyiav Aôndo Ter se yilan We, Tor Utsôron alu U va ga, ior ne a tim se ci ca
Man a lu er ka ibo yase ve, ayôôso, man ityav mbi lu vihin, tar wuan se yô zungwe se cica, alu nan je kpa Ter, man i lu kpan ngun man, ma a tee akpa sha vese ga se zamber, rumun se sha mhôônom ungwa, msen asev sôr tar wase
Zungwe se-aoo, Aba Ter ityav mbin mbi tsee kpishi, shi ayôôso ne a ngee, se fa We Aôndo U hemba ve tahav, yange ayôôso a lu ken tar ne, na se er se hemba, ityav mbin Aôndo Tor, na se bem Wou ken iti i Yesu