Anmgbianev, ka mba yendan Yesu, ve lu mbaihyomov mba terankon ye kav nen, mhen awashima, u kighir kwagh u Yesu, Ter shi, nan mbela mbadondon, Yesu, ican fa nen ka tom ve, ihyom yase a ve hii ngise ityôyam.

Hiin ne ga, sha ayange a Yesu Ter yan va hile yem, la mbadondon, i tôv mbakristu a ican, i wua ior, mbagenev i sôngo ve, mba anen sha usu, mbagenev vi hu a hua akôv, mba wuan sha awen, mbagen i mande sha ikyôn, mbagenev yô i kende ve, inyamkyume i ya, me ôr kpa mayange me bee shawon ga

Ci u iti i Oryiman, i de samber ga la nenge, utor ve zua zwa, i tôv mbakristu a ican, Domishen, kende Yohane ken icile ye, shi Nero yan na i gber, Paulu ityogh sha ci u iti i Yesu ye

Ka imba kwagh i tser tar, wase ahegen ne, er u vende inya i hun-gur u yilan iti, i Yesu yô angbianev u tôô ican, a lu ken afishi a gomoti, saa a pahar we sha a kundu iyol a de u ye, tindi u, gomoti je kpa eren tom kpa sha ye ga, beem er gomoti nyôr uwegh u tôvon mbakristu a ican yô, a kporom ken hemen je yô u yamen, kwagh ken kasua, kpa a va yange se ci u iti, i Yesu Aba Tor Ugbem.

Ka imba kwagh i tser tar, wase ahegen ne, or kera ngu yaven kusun ishe hegen je ga, er u vende inya i hungur, yô nenge u tôô ican, tar u Tiv je yô gande ôron, ve zua zwa, er ve a ngohol, tar u Benue nenge ngise ase Aôndo, ve nôngo ngeegh ngise ve faityô ga, shi ve mough num a vese ye, Ter Aôndo-oo nenge mbaihyomov, mba terankon ye tôô, angahar a diabolo yan kaa a Ter er, saa, shie ugen la yô kuma se iyol er a ngbagh anyi yô

Ve nande se uya, ve nande ajiir a civir, We ve num ior, ior kera mba fanityô u kohol civir, We ga ku Aôndo, nenge imba kwagh ne, mbamaren i wua ve mbayev, ve vaa juu kunya kôr, shi mbayev kpa mbagenev hingir icôhol i mbamaren, icombor i genegh ve tim-atim i eleghee mo ve shi ga, kunya kôr-oo a kasev, mbaikyoson a noov mba kasev undun ve, i hemba se-oo aye! Tor Uma se vaan ye

Se mba vaan kenger, sha We Ter Aôndo nenge ase mbaihyomov, "Mba-ihyomov" asev kase yisa se atô-oo, ape or a yevese a za nana war yô ngu je ga, saa ka hen We Aôndo Tor, nenge uya asev hegen hingir atse ior, kpishi mba tsan ken toho, ningir a ikyav ityo senen kôndon, ape zan u genegh ngu shawon ga

Se gba U ikyum Oryiman, Yesu U ngu kurutya wase, ken a We yô akaa ci ca cii kôrcio-oo, nôngo ityav mbin kpa sha ci ca wase nenge, er i lu nzuul a vese yô, mba wuan se sôngon, burun er ka inyam yô, pe ka ayisa u la yô i you i kure a kure je, mbagenev ve wua ve kende ken toho ve hôô, ka kwagh u ikyom ve se tser a mi ga, kwagh u a tser se hegen ne gande Ter ve se yilan We.

Ngise i zua zwa sha Modekai ve a ityô na Mbayuda u wuan, ve ve vaa a We U yange, u yange awashima la Ter Aôndo kon u Haman, lu tim u wuan, Modekai sha mi la, Haman kpe iyol na sha mi-oo, Nehemia Ter wase U yange, U yange awashima u mbaihyomov vev sha a ye la, se kpa, Ter wase yange mbaihyomov mba terankon, ve de beer, sha vese mbadondon We

Se yô kwagh u paven, se a We Oryiman Ter ngu je ga, shin a lu mtev u sha ican, kpaa u civir, mba-aôndo mbagenegh hungur inya la yô guda ku se kpa se rumun, er akar a Daniel yenda, u civir eev mbu tor, Nebukadinesar yô, icighan Jijingi-oo U ngu yese wase de kenden se ga