M ngu gban ôron ga, ka Bibilo i tesem m lu ôron ye, ka shighen u, Paulu yan lu orkwar, i gba u a yemen a na ken tar u Roma, sha a ci u ijir na, ka hen shighen ne ve bokwagh, za zer un sha uwe ye

Ilu yemen a Paulu ken Roma lu shin tso u yemen mnger, man ura lu nôôn, shi wuhe kôr kpishi, ve za nyôr hen cile i Melita ve due sha tar, ior Melita keer ve usu her er ve sambe wuhe

Paulu gema ashe yô a nenge ayegher-aikyon, lu heregh man a kombor, a u haan sha usu Iyô i zer un sha a uwe, a mishi Iyô la gba sha usu, cier iyol u nengen

Ilu yemen a Paulu ken Roma lu ijir, sha ayange ase ne ka ijir i wanyôngo u Aôndo Yesu, Paulu lu yemen bokwagh zer un sha uwe i lu iyô, shighen wase u ahegen ne, asorabo zer ior sha ave i gande, man u mishin a sha iyô, ka mgem shima, u se paregh afer

Me pande a cukuu me ter tsô u ungwa ityô yam, ior mbagenev yem u civir, mbaaôndo mbagen kua idya, mbagenev keren inyaregh, ki sha apera u ngun kpa ka isholibo, ihyom kôron man ngbogh tar ne je ka pe wan wegh ga

Cier iyol, sha ayange angan ne i gande, yongo i Ishemael taverea imba kwagh, ngun kpa ka bo-kwagh, a zer Nijeria sha wegh iwoo-or ngi kwagh ga, mba venda iti Yesu u ngun kpa ka bokwagh, doo u Nijeria man se mishi sha usu ga yô, u ngun una tim ior, Benue man i lu mo ka bo-kwagh, u a zer u yô, ior i Tiyoo! Se de iyuhwe ga i a tim se ci ca.

Lanem ken ishima je gande, ken Cighan Nongo u Kristu je kpa ior mbagenev gema, iti i Yesu, hingir ve kpenga u inyar, u ngun kpa ka kwaghbo, mbagenev ka ishima nyian, ipila nyôr ken Cighan nongo u Aôndo Tor, A tsegh je i gande, mbagenev ka a fa ve nyian kpa mba di norototo, kwagh afer a eren, ka kwagh ve, kwagh u mba via a mba via, u ngun kpaa ka tom ve tsô

Doo u se mba se dondo, Tere Aôndo cii yô man se lu mba mishin asorabo sha, Yosev lu mishi ken Igipiti, kwase zer un lu sha isholibo idya a venda, Yesu Oryiman, Satan fa er un a zer, Un tar cica u saa ken isholibo, kpaa avenda a na er Karen sha ishi kera Satan, i nger er ka Ter Aôndo tseegh se civir ye

Tere Aôndo Utsôron, se yô se yina agee, Na se Jijingi Wou, A sue se u mishin, asorabo a a zer se iyol ne, sar se u nyôron sha Ya Utsôron, za teman a Ter Oryiman Yesu sha ya Utsôron