Ior mba bumen kpishi kpa ve fa ga, ka ve er ka kwaghfan ve eren ye, hanma or Ter fa kwagh u nan.
Aôndo fa kwagh u hanmaor shawon, yô se eren kwagh sha er se va tim ga yô.
Ter Aôndo fa, A fa se sha, ati ati mba ve lu ior nav A fa ve, mba ve, lu ken iti tsegher la kpa Ter wase fa ve cica
Doo u se kav nen se, ken atô u ishima yase man, kwagh u se henen, Ter Aôndo fa shi kua alam, ase ci ca, Ter wase lan shawon ga
Hen ape se tem kpa Ter Aôndo fa, Ter Ngu nengen a vese ci ca ieren yase A lan ga, mba za teman hen ijiir i msôr, u za man tashi A fa ve ci ca, mba lamen dang-de-dang iin iyuhe i eren, kema-ityo A fa ve, ônov mbaaishimäel, Boko Haram la cii Ter Wase fa ve cica
Mbakristu, mbagenev kpishi nyôr u tsan sha ajiir a alu a, ve ga ve yer mba za tsan heregh, eren idya, hôngor ijimba je kunya kôr kpiligh iyol u nengen, Aba Tor, Ter tema viing sha ngu nengen, Ter lan shawon ga
Ngise Davidi er idya, a kwase u Uria or fa ga kpa Ter fa angbianev, man Akan ye? Yan za, ii ikyondo ken utya yer Ter wase A fa Tor lu tim un a tsombor, ka pe Anania, Safila yan ve, pande inyaregh ve za yer, A lu fa A tim ve la
Kwagh u myer ngu je ga, Ter ngu nengen hanma, kwagh u ken myer man kwagh u ken igbar, ka Tor, u jirigh me pase ne, mbadondon, se tile nen dông, nyagh nen, asaren a tar ne, we a lu Pastôr Atese, ortamen, Diakon, orhemen nyagh cii, orivangeli, kwasehemen, paregh nen ne ior i kristu purututu
Kpa or a norom sha afer a eren, er Ter Aôndo Tor fa ga yô, nana za nyôr sha tar u Tor, a ser la ga, yô orwam, va dondo sha Yesu er ian i shi her ne.
Ter Aôndo fa, kwagh u hanma, or yô angbianev se mem nen ibumegh, de afer, se dondo sha Yesu Tor u Sha Utsôron, se za tema Tor a Na imôngo sha la gbem a bee shawon ga