Ne ungwa kwagh u utya man, igwa i utya kpaa, yô ver nen ishima, asema a de yinan ne ga, gadia akaa ne a er keng, kpa mkur, yô una lu a kuma ga

Ikyurior i gen, i a mough ityav a igen, tartor u gen, kpa u a mough ityav a u gen, ijen i a gba, man ityar i atenger, sha ajiir kposo kposo ityô yam, akaa ne a er cii, kpa a lu mhii u ican, di tsô mbadondon.

Hen shighen la ican i a er, ne ka i cukuu ga, a wua ne sha tar, gedee angbianev av, ior kpishi a kôr ne ihyom, kpa a lu sha iti i Yesu, ior kpishi a yina asema, mbagenev ve a hingir u nengen, mbagenev mker ityô yam, ve a hingir u kôron ihyom, mba kpaa a yol a ve

Se mba ungwan, man nengen hegen ne akaa ne, cii nga eren-oo, ityav mbi nôngon kpishi, mbat timin a tim ior, mliam ngee kpishi, yange la se lu ungwan, kwagh ne ken itiar i genev, kpa hegen yô ya zan zan, ken tar u Tiv, mba timin se, Ter U va ga, atôatyev atim, se ci ca

Mba wuan se, hegen pe or a a za nana war ngu ga, ka we a yar ken itiev kpa, ka i va wua u ker, we a yav ken iyou you, kpa u ngu waren ga, ken iyou i adua kpa ve tswer ga, wanye, kua shi, kwase kpa mba tsweren ga, ityô yam, kunya u kôr-oo, awambe nga vaan, U yilan We Aba Yaweh, Tor Ugbem, Va yima se mbadondon

Ter u mhôônom, shi yima se Ter wase Aôndo ican, ne ngee se gande-oo, se se vaa se yila U Ter, shi ungwa se kweregh, wase se ga yô se mba a orgen ga

Ter Aôndo va sue se, ken ican yase ne Tor, Na se u lun dông ken a We, ve se faityô u hemban, ican i ive sha vese ne Aba Tor Ugbem