Ngise Kain, lu wuan angbian na Abel, ken tarikyôngo, Abel kpen yô awambe a Abel man gba yilan Tor, Tor u Uma va ka angôm a woom, ayuu ka angôm a woom ye

Aôndo ungwa wan Na mliam, lu ken ikyôngo, ken ikyôngo fiinii, Tor pine Kain er Abel, wam ngu hana? yange lam daang er mo mkor se, Abel di shinii, Tor u uma wa Kain ifan er a zende a zende gbem, zende shawon zende due un ishima

Iserael, kpaa ve vaa ken tar u Igipiti, ve yila Ter wase Aôndo sha ikyenge ikyenge gbem, hen shie u ve ya ican i kpan sha ikyev i Farou, anyom lu a ngee kpishi, shin er, Ter ngôôr yum u van je kpa Tor, yô wanger iyol hingir waang, Ter Aôndo yange va kura, ior Na je yem tar ve

Se vaa, se yila Utsôron Yehova Aôndo Ter U hembanagee, se ka kwelegh wase je neoo, se mba vaan a kyav ityo gengee, kegh ato ungwa se kwelegh, ka kwagh u iyange la Kain wua, angbian Abel je kpa shi a ya ishe ga, pe se Tiv, hengen se kpa shi se lu wuan, angbianev ayol ase kpa se ya ishe ga, ônov mbaishemael, kpa wuan se, karen ken vegher la, se mba se, shi her di uma kpa pe or a za ngu ga, mba yihin iyiav nanden ayou aduaa, Aôndo Utsôron yina ga se vaan, sha ikyenge yilan We

Mba gberen ior, azembe mba wua ior, man undyer-gbuuka wuan ior, man, ubom kpa mba wuan, Karen di vegher la, nenge Ter wase Yesu yange vande U, haan awambe nya kile tar ne, yô shi kanyi, jim jim ne mem wuan ior, haan awambe inya ga shawono?

Tar u se lu ker ne Aôndo ka tarikyôngo, u ônov Ou mba kpishi mbela mba i woo ve, awambe gever mliam vaan ken ikyôngo ve, nga vaan yilan ikyenge ikyenge Oryiman, Ter Yesu mimin i gande se iyol ve se yilan, or u yiman se ken tar ne mômtsô ngu je ga, gomoti u tar ne je kpa kwagh ngun ne gande un ape wan zwa ve, ka We Ter U lu iwasen, U wasen se jim jim ye

Se mba a tahav ga, saa Jijingi U Ter Wase Una wase, Una kura se ken botar ne, ga se tseegh yô se yina u se hendan atativ, se a vaa, ashe a poso je kpa, ma or a wase ga, Jijingi U Ter yô va taver se, sur se asema