Aôndo Ngu yilan ior ken tom Na, man tom ne taver; ior kpishi mbagenev ve kav je ga.
Tom u Ter Aôndo A yel se mbadondon, ka tom u shagba shin ma civir ga, ka di tom u pasen ivangeli Na, ordondon de saren inyaregh ga, de keren ma ishagba ga, nôngo vande keren tartor man, kwagh u a ban la Tere a na u, de kpen icivir i tar ga.
Aôndo lu We sha ayange la, U yila Mose ken Icighan tom ne je ye, Mose kav, myen na man mtaver ne cii, tsô a pase, a pase Yehova er mo m kuma tom ne ze Tere, kpa Ter rumun a na ga A kaa er ka mo M tindi U ye
Shi Ter Aôndo lu yila Yeremia sha tom Na, tom u pasen ior i Iserael, aeren A ve, man ajiir, a Ter Utsôron, tom ne nyôr, nyôr un iyol je ngor ikyenge, Tor uwu! Terem Aôndo Tor, geekeke tom ne cier iyol, mo m ngu wanye, Ter Aôndo m ngu agee ga, man ityom You ne taver mo, Ter Aôndo iv un a agee, a mough a kôr sha tom Na.
Kape Aôndo lu yilan ior Nav, tindin sha ajiir a Na, A tindi ior mbagen ve yar shilen tom Na, tom leghem, man ajiir a tom ne a genegh ka ayese, ior mbagenev mba di shi shilen ka di sha agboghol, Ter Aôndo wam mba kinen, a kine ken tom ne, sha iyol inyam yô u kav ga, ken shima gema mba gbuu, msaanyol ngu ze, or u taver ve shima saa Jijingi u Ter, Jijingi Un a sur ve asema
Mo kpa Terem m yar tom Wou ne m ngu shilen, kpa mba wan apera ve ngee ken tom U ne se, ve nyôr a yuhwe kua mpav, msange u sha dooshima, pe i lu ve tom u lun nan ican sha ajiir ne, ken agbaa atyom yô vihi, Mzough g kase kpa kwagh ne ve ban je ga, Mbaatsamev kua mba MIM, ajiir a a genegh yô, ityogholov kpa mbi zough orgen a or ga, dooshima u ken Kristu pande, mbashilen tom mba nôngon ayol a ve
Kape Yesu pase je ne, Ter kaa er ne nenge, er tom ne u ngee, man mbashilren u ve vese ga, yô se se sôn hen Ter Aôndo u sha la, A tindi mbashiren, ka mimi yan pase se ye.
Se mba shilen, shi sôn Ter wase Aôndo, kpa nenge ior, mbagenev ve nyôr nongo ne imôngo, ka tom u Ter igbe ve u shilen ga, i tindi ve A tindi ken tom ne, tor u tar ne ngu num a mbashilen ken tom ne, shi a zua a-aan a vese, ken Cighan nongo, er dwem nyôr ken ikyum-uile yô kwagh, hingir kpoghol-kpo-kpogh, Ter Aôndo Ngu her, ka Ter A zenda dwem u duen ye
Udwem mba ainge mban ngee shawon, ve hua akôv ayôngo tsô ve nyôr u vihin Aôndo tom, mba kumbur a iyôngo ken tom ne kpa ka di mtsera, sha ayol ave ve lu keren ye, Yuda u Isakaroti lu tese ikav sha kwagh ne, mbadondon se tile nen jighjigh, er tom u Ter wase u a samber yô
Zegetom u Ter A ne se ne, ngu a injar sha min je I vese, Diabolo a lu nôngon a vese ye, angbianev taver nen asema, ishima i wan ne mkom ken tom u Ter, yô yina asema ga