Se mba vaan yila We, Ter wase Aôndo Tor, Ter U va ga yô nenge ityav, mbi timin ônov Ou ken tar ne, se vaan ye, se yilan We, Yehova-oo! De timbir shawon ga

Igipiti, lu kenger Iserael inja er mba a pe waren ga, tsô ve gema ve ikpan, ken tar u Igipiti, je kpa Tor Ugbem, Tere u mhôônom, Ter gema ashe nenge tsô sen, va yima ve ken tar u Igipiti shawon ye

Ka pe se kpaa atyôatyev a tôô se ken tar ne, tsô se vaa se yila u Tor, We shi gema ashe Ou, ityav penda bur a vese se yilan, Tor Utsôron, Ter u va ga yô nenge or u yiman se môm ngu shawon ga

Angbianev, gomoti u ahegen ne kpa, ngu nôngon kpishi je kpa mbi memen ga, gayô Ter u mhôônom, ajiir a ka se kohol a lu sha ci u civir We kpa ve nande sha, shi timin se, tsô se vaa se yila a Aôndo, Tor u mhôônom, Ter U va ga ikpan ne a va tim se

Kunda iyol u nengen ve, Ter wase Aôndo Tor, ku-or ngu hingir inja er, ku ikyegh jim yô, awambe a mbaishôôv nga vaan yilan We Ter utsôron, ican i uange kpaa i va nyôr, je-nyôr taveraa, kpa se gure sôn utsôron, We Ter ugban tar

Ka sha iyol tseegh ga, ken Jijingi kpa ityav nôngo taveraa, ijimba msôron man iv, iyuhwe tema tor, ihyom i kôron, akombo-oo me ter ne kpaa me bee mayange ga, kpa se gure sôn Utsôron Aba Una wase se ye

Se taver asema zan zan se hemba ityav, mbi ken Jijingi man mbi iyologh, ken iti i Ter Yesu, Jijingi u Ter A sue se, er se hemaba ityav, se kôndo sha a iember.