Aye, kpei Tor, ahii Aôndo u zungwen mhôônom, se vihi U, ishima Ter se kende imo You.
Ishima i vihi U, ve Aôndo Tor uma, u gem mbaihyomov asev u ve hingir kwagir Wou, sha u tsahan se, nyion se ve Ter se iyilan ye.
Yange U kaa a mbaiserael, je wer a lu er ve a kera dondo imo Yough ga, ve a a kende akaa a wan a Ou je ve, a hungur atindiakaa a Ou, ve a yem civir aôndo mbagenev U kende ve, kwaghtseren una tser ve, U gema ve, U na hen mbaihyomov ana ve ican, zan zan
Pe iyange la kpaa Mbaiserael, tsume sha hemen u tor Manase, U na kwagir va nyôr, hen tar u Ashiria yem, a ior uikyangen, ve lu ker ve ya ican, kpaa ve va kav ibo, tsô ve vaa, afanyô ve zamber, Ter Aôndo ungwa ve msen, ngohol kwagir Na tsô ve hide, se kpa Tor, ngohol kwagir Wou hen, atôatyev ne sha, ve de va timin se ga
M nenge waang yô, m lu u, se Tiv zua a u Mbaiserael sha m lu ve lu yô, ior i Tiv bumun Aôndo utar-ken-môm je kpa ve, lu a fa Yehova Aôndo ga, kape yange mbaiserael, kpa Aôndo pase iyol Na hen ave utar-ken-môm la, man tsombor kpa Tiv hii, sha or môm, sha inja i Iserael, mlu ne zua cii.
Una ior i Tiv, zua a iveren, kpishi ve ngee ve kuma mba veren Tor, shi U na, inya ve doo sha ci u iyiav vev je, gbulumaan mba ker ve mende toho u doo kpishi sha ci, u ilev vev yaan, kwaghyan dumbur ken tar, u Nijeria, kpa u njaa u a gbe sha kwagh, yô ka hen Tiv a dugh ye
Kpa Tiv venda Aôndo Ter ve, yem civir akombo, shi ve pine kwagh hen jijingi mbabov ve, hôngor iti i Aôndo, ve kende icighan tempel ve unde, sha agungu ve sôngo naagh sha min ci u mbaaôndo mba gban, a gba lan ishima, i vihi Ter A gem kwagir na, A ne atôatyev ve ican, i tser se ior i Tiv ye.
Ciu U tôô, mcieryol u, yange U na hen ior i Tiv ve, ior cian ve la sha, u pande agee ve, U tôô civir sha ave, sha U na ian, ubo mbauangev ta sha a ve, U pande ev ingyeegh, je kpa ve umbur ga, ior pue mbaatôatyev, ka ve zenda ior dubu pue mba Tiv a mliam ashe, ikyav mbi saa ishe, or u a war ku! ishôm, ijen i a wua nan, Aôndo-aoo, ka ihembeato yase U ne kwagir ne wer a tsaha se ye
Zungwe se mhôônom, Ter wase se, gnse gever mliam vaan ken ican ve, se fa pe se za ga ve, or kera umbur aôndo mba gban a gba, sha u ve va yima ga, or pine Jijingi mbabov, kwagh hegen ga ve, se kav, ibo yase se shar, inya se ande akondo se ta nyagba uya, se venda kwaghyan, u zamber a We Ter Aôndo, ma U de se ibo yase