Mbela mba ve kpe ken Ter ve mem ga cii je, mba i woo ve sha ciki u Ter, mba i tev ve atsan ciki u Aba, ve mem ga mba vaan, pinen shie u Ter wase a va or-iyev yô

Kpa i kaa a ve er, denen shi hila tamber, iwua mbagen kpaa, i iv ngee, i Ter wase A ver, i kumbur ve her i na ve u riga, tsô ve mem mliam, shi ve gba keghen

Hegen kpa mpine ne ior mba shi pinen gbem, er Tor u wang shi nan u hide? Tor Ugbem ishi nan U va or se iyev i, mbela mba ve wuan se ve nanden se, ve tev se a atsan ahegen, ve va zende se ken tar wase.

Nengem ase mbvanya, ve va ya dyako, wase cii, kunya u kôr kpishi, ve va ngohol u ya man shi, ishule kpa ve ngohol, kpa i kuma ga er se se mough, Tor ahii se yem hana? Tor Ugbem Ter wase de lun viing ga

Aba shi gema ashe nenge, awambe a ior mba ishôôv jim, nga kuan, beeer bee er ka ma ifi, akomaior nga ken toho hanma vegher Ter, mliam ger, shi nan Aôndo Tor Ugbem ishi nan jimi?

Tar ne, nyôr ken mzungu kpishi a hegen, kwagh u a tser, se henge a gande kasev mba lun, a yav ve wua oo, man mbayev kpa i sôngô ve, ior mba been iyol kpa iwua ve, i tim a gumaior kpa kpishi, gar cii ngu pinen gbem, er shi nan ase Tor Ugbem

Ka nahan se toghol ye, ka nahan se vaan Tor Ugbem, ka hanan vee, Bua vaa zuam u, a lu yan an-kwagh la, man ijaki kpa, ia toghol, shighe u i nenge a kwagh-yan sha ishigh la je ga, er se vaan hegen ka ichô ga nyion, chween ve Ter se ngor imo ye

Yange la orgenegh kôr orhyundu tsô a gba gbidyen un, orhyundu gba vaan yilan Aba, Tora-oo shi va va wasem, Aôndo aoo shi va va wasem, kpa Aôndo va ga cii, or ne gbeidye orhyundu legh legh a mough a gba yemen, u peren gbenda yô mato za va, ta sha or ne wua, orhyundu ka ngoron er, Aôndo van fele ga kpa, ka Un a va yô ka iwanger wang, se kpa Ter wase A ngôôr van, i doo ior gbidyen se, kpa ka kwagh ga Yesu A hidé, tsô a wanger wang.

Se penda ashe ka hen A we Ter ga ma or u, nan a va a or iyev ne ci a wase yô môm tsô kpa ngu ga, kwagh-ganden hegen tsô mgbe vaan, zenden sha inja i orihyundu ve