Se mba yilan, We Aba Ter se mba yilan We a kwelegh, kwelegh u mliam Ter se mba mliam We, Tere-oo kegh ato u ungwan se

Ka se tiv se yilan, We ye Yehova Ter ka se se yilan We ye, kwagh va tser se hegen ne ngu ganden se, Tor Ugbem, orjime wase ka We Tor, or u nana va yima se ka we Tor Utsôron, Tere-oo ka wan Wou a yilan ye

Se va nyôr ken ican, ka ican ivesen, Ter Aôndo ican yase ngin i gbaikôr, Ter U va ga se va tim, tsombor u Ishimael ngu wuan, tsombor u Isaka been, Ter U va gayô dyako, i yange U ver Isaka kpa a ngohol, ior ne penda ashe kyôr doo u nengen ga

Nenge ityav, samber a vese hegen ne se mba fan ape zan ga, or wasen se ken tar ne ngu ga, Ishimael, va tema tor, wan tema tor yô doo tsombor, u Ishimael ngu masen, tsuwen ken won a tahav, Tora-oo Aba ônov Ou mba timin cii, Ter u va ga ikpan ia wua se ci ca

Ior ne tôô asom, man u gbuuka wuan se inja er, se mba nyam i ken toho yô, mape gen ka inja er, ior mbela mba ka ve lu a or ken jime ga, mba wuan se nanden se ayou, ishule yase yô i hingir, kwagh yan u ilev mbi agbidye-gbogh, Tora-oo Aba se mba a m-mem ga

Nenge ka kpan U yange u zenda un a ngô na wer ve due sha la, Sara vande nengen a wan la je er lu yev yev la, gba ayôôso er wan adue, i lu We Ter je yange U va kule i ye

Yange U kule ijir, i lu We je yange U na ian wer kpan a due ye, kpan a due sha a de va Karen dyako i wan ga, uti yem za ningir, ken deserti tsô hide penda ishigh, van atswam iuu sha u va kperan, u kperan dyako vea Isaka, Tere-oo yô shi nenge imbya kwagh ne.

Se vihi sha shigh You kpishi kpa de kpenen ze tor, se mba ônov mbatyendezwa, ônov mba Yokob, tsombor u Isaka, Isaka u Abraham, Tere-oo kegh ato u ungwan se

Zenda kpan adue, a yem deserti u ken param, a za tema ken tar na, adue-oo dyako ne ka i kpan ga