Lu ve hemba ato, ken sule u Peradiso, ve ya kon u Ter Aôndo, yan ta icin, shami la, ve Tor u uma lu yilan ve ye.

Ka kom shighe, u kundun iyol yô, Ter wase gba nengen tom ningir, Ter wase gbe zenden yô, A nenge or, gema yevese ishigh, ki Uhembansha za tume shin, toho.

Ter pine Adam, er kahan u lu? Adam gema kaa er m ungwa U iov u, zenden yô i cier mo m za yer, pe Adam yan kaa, ver ishima i vihi Un Tor u sha la, er or a undu iember i tsôron, a dondo boor Satan u yeen ken zegemtim yô.

Ka han u lu? Yehova Tor u sha lu pinen Adam man, shi kwase na ken Eden, lu u i yiman ve lu pinen ye, shighe wase ne di kpa kape Tor u sha ngu pinen ne, ciu ihyembeato i hen shighe ne i hemba kur u tse se mba cian, ishigh ki Uhembansha la ve Tor, A yer se u yiman ye.

Ngu yilan, man zamber hen mbera mba hemban Ter ato, mbagen undu icighan, nongo i Ter mba yemen ayem gudu gudu, hen pe za timin je kpa mba umbur, u hidden hen Ter u tsôron ga.

Mba yemen kpur kpur sha asaren a tar ne, inyaregh kua icivir ve yem u za keren, mhembe u ken tar ne gema hange ior, hemba iember i tsôron, idya i eren kua ôngor ka kwagh u a doo ve, man shi iv mba wuan ior, ityô yam, akaa ngee je yô me pase zan zan je kpa, mayange me fatyô u been ga.

Yô anmgbian, we ka han jim u lu ase? Tor u sha ngu pinen we, Uhembansha la tindi Yesu va paa se ityough, Tor gema uma Na na ci wase ior mba hemban ato, rumun ican kua ku i mande, Ter sha teran Yesu hungwa, hungwa nyôr shin hade due, Ter er ikyenge ngu yilan se, yô de ker atimbir ga ve se yem A yima se.

Hide fefaoo! Anmgbianev, man uter man ungô, asaren a tar ne, mtsera ngu keregh ga we tar va se dondo, Ter Oryiman se nyôr, Peradiso u sha i iember.