Ka nyi jim a vihi tar u ngun hen shighe ne, moje tema ngu ken vese kenden se ga.
Ka wea lu ami kpishi yô, Ter Aôndo jim jim, kpa u sué ikyaa a Na, sha er u soo yô.
Shi lu un kpa, iyange mee, Farao yan tim shin zegemnger, a ior, bee ve saa-oo kpa lu un jim jin.
Ka moje yan nyor, tema ken Yuda tser a ku ye, or a due nana nyimanoo! or a fatyô u nyiman ga.
Nenge nen, Yesu Ter yan va u yiman se, shin tar ne, kpa shi moje lu ken Na ga, A nôngo kwagh, awambe haa-oo! kpa lu sha u yiman se.
Tor wam, Aôndo wam, moje ne lan kwagh, shi ngu a mee se, or u nan lu ami ker a nan, a ngee kpishi yô, nan nengen a or ga, saa nan, tseegh ve nan, lu ityôkyaave.
Ter Aôndo wase, venda moje wa un ifan, er or u nan, lu ami ken a nan, nana bunde timin ga.
Se de nen u suen kwagh, hen tar ne tan ave vanger mimi ngu ker ga, mhembe hingir ku.
Kape ngise, zegekwagh er hen tar ne, kpishi kunda iyol u nengen, ikyôror u ken Mbafiliti, Goliati, sue ityav a Davidi je, a lu sue kwagh, u tan ave yanger er moje ne or, nana cihim ga, or adue a va me wua nan, anmzu tseegh David ta, kwagh bee kwagh kure.
A lu se sue kwagh, man a lu ken iti i Ter yô, kwaghsuen wase la ka mimin je.
Kpa se sue kwagh, man a lu ken iti i Ter ga yô, ityô yam, umbur nenoo! Mzu wua ikyôror.