Tom u samber a Ivangel i zegetom la u kehe kpishi, Ter Aôndo tindi Jijingi Na, A sen a tahav sha kômiti u Sinodi, kighir u mough gba shiren tom, ican i er ve kpa Ter kende ve ga, ve bugh ajiir sha u samber a iti i Yesu.

Ka pe Filibu kpa yan nyôr ken gar u Samaria, samber a ivangel la, orahir lu ken gar la iti na er Shimon, kpa gema ishima a dondo sha Yesu, Paulu kpa lu samber a Ivangel, Mbaapostoli, kpaa lu tom ve la, Timoteu kpaa lu la, ve zende ken agar a Mbayuda cii ve pase ior, Ivangel ne tsembelee.

Mbadôchi iyange za va se a kwagh u Aôndo u Riform Church ne, se se gema iti ne sha zwa Tiv, mbayilan er Nongo u Kristu, man sha kpende yô ka se nger, NKST, sha u tesen pe ive a ivangel yô.

M nyer u Ivangel ken tar u Tiv, i lu inyom i dubu môm kua deri utaan, kar unyiin man pue kar môm la sha ikyev i Sudan ye, u er tom, ken tar u Tiv, ve tese ior i Tiv Bibilo vindi vindi.

Ngise la i lu Tiv tseegh ve lu yilan NKST ye, kpa sha ayange ahegen ne yô, a samber tser Nigeria cica.

Uipyaven mba ker kuma ikundu kar môm Ivangel nyôr ci ca, de me pase ajiir ne cii tsô ne ungwa ityô yam, NKST samber ken Nigeria, A nyôr Cross River a nyôr Akwa-Ibom, nyôr shin Lagos, kar nyôr shin Oyo man, shin Imo, man shin Ondo kpaa, ve nyôr tar u Bendel ve nyôr shin Ugun, man Anambera man River cii kpaa Sinodi nyôr A Ivangeli, mbagen gema ishima ga kpa, mbagen yô ve gema cii.

Ve hide ve penda ashe sha vegher u sha ityough ki taregh sha la Sinodi yisa, hii ken tar u Benue nyôr Kwara nyôr shin Niger, nyôr Gongola kua Plateau man, Borno kpa ve nyôr, kua Bauchi, sha tar u Kano kpa shi ve nyôr, Kaduna kpa ve za nyôr, ve nyôr Katsina sha pe ka we ôron kwagh u Yesu yô vihi i ve, tar u Sokoto kpa ve soo kwagh u iti i Yesu ga, gbenda kumbur imo mbagen hide dondo iti i Yesu.

Anmgbianev, State mbagenev venda Bibilo jingir ityough mba tsuwan asôm, Sinodi nyôr ker sha igyosough je A tile heregh jigh jigh, or môm va ikyua ga, lu inja er orhyundu ngu a yisa gbenda or, a karen gbenda la je ga, Jijingi u Ter Ngu a tahav A hemen NKST, pe i kuman icur inya la zegekwan u tamen ngu gbungur imo er kwan gun gun, kwen gun gun, ior mbera shi mough tile gba kenger, kaan er se nôngo ityav a Mba Kristu je kpa Soja va tile kenge iyol, tsô ve gba cian ku.

Pe iyange se fa er kwagh u Yesu a nyôr ga la kpa nyôr ve, uza nyôr tugh kpa ngôgbande ngu gbungur imo, atsam kakaki ngu kaan imo er gaakaka atsam gaakaka, gaakaka, mbakacha di mba uvan, shia-shia-shia, shia-shia, man a mar nga di kaan er orwam sha tar u Sha la hemba doon, gande Uke kpa kohol se, Sinodi se yô se mba nyôron tartor la keng keng.

Aôndo sôr injar i Uma A ver sha ci u Sinodi, iyange ikpamkor a gba imo la se za ngohol.

Aôndo sôr injar i Uma A ver sha ci u tar cii, iyange ikpamkôr a gba imo la, mba ve ôngo ve ne jighjigh ve a za ngohol.