Se mba kpen nderen tsô se mba kaan ser, se kpe a Yesu; man se mba kpen nderen, ka se shi eren afer, kpa se kaa ser, se kpe a Ter imôngo, imbyakwagh yase ne, ka i doon ga.

Ter Yesu, mba ve kpe mimi yô, U lan ve ga U fa ve U bee, kpa mbagen yô, ve kpe ga, ka ve kpe a Ter sha zwa kpa, ieren ve tese er, ve kpe keng ga.

I ii se, i ii se a Kristu ken Batisema, kpa mbagen yô, ve rumun er i ii ve ga, ve ngohol ikyav kpa ve kera kpe a Yesu ga, ve hile sha igbinda i tse her jighilii.

Ve hile ve za, tsô bonja u tse, ityoronshima la mba a mi her, nahan yô, ne kpe ga; ne kpe ga i ii ne a Yesu sha won ga.

Mba ve fe er, i ii, ve a Yesu yô, ve kange boor u shin ishima ve made sha kon, ve tile sha mimin tar gema, ve yô, ve gema ga, ve tile her jighjigh.

Ve kera soo, kwagh u tar ne ga, ve ver ashe sha Oryiman man shi Jijingi er, A iv ve, kpa se mbagenev yô, tar ne kpa shi hange se u kenger.