Ku yô, ka mkure kwagh wase u se mba shin tar je ne, kwagh ugenegh ngu sha won ga.
Ku yô, ka mkure kwagh wase u se mba shin tar je ne, or a de zungu ku sha won ga.
Se umbur, or u perapera yô, ka nan kpe ior mba fan gayô, shi ve ger nan, kpa ka er ve fe ga shi ve geren nan ye, nan yem sha ya u tsôron.
Ve kera fa er Tor wase ngu A tôô or u mimi la kera ga, ve lu lamen, sha a nan dang kpa Ter ya ishe ga, Ngu ungwan Alam a ior, Tor Ngu kohol, keghen sha iyange i mhide Na.
Aôndo Ngu yilan, se ônov Nav kohol, mba zan memen, sha ugambe vev, sha ya u Aôndo, Yesu bugh se gbenda.
Ka gbenda u, Oryiman wase kpa kar sha min Tor nder yem Sha ye, se kpa se kar gbenda la keng keng, se za kohol, Ter sha ya u tsôron.
Ku yô, ka kwagh, u zungwem ga, se nenge u ngun yô, ka mnyam, se mba yaven yô, se nder keng se lu a Tor wase imôngo sha Tartor u tsôron.
Mbananjighjigh gayô, ve kpe ku cier, mnder kpa vea vâ nder cii mlyam ager ye, or u yiman ve nana lu ga satan a kura ior na.
Ka iyange i, mba ve fe Aôndo gayô, ve yevese ku je ne, iyange i orkpen yô, ngi a makwagh ga, ngi a mzamber ga.
U er nan u zamber, gayô, Ter dugh uma Na yem aminsha shi i mase shin ikyon yô, u er nan, iyange shon u gure zamber.