Ter Yesu kuma Tor, Aôndo, sen na se bem man dooshima ve.
Ter wase Aôndo, Ter sen a iveren her tar u Tiv, mbatesen kpaa mba seer zan zan.
Ter wase, sha dooshima Wou U na se mbatesen hen tar u Tiv her ahô ne, se mba U wuese zan zan.
Aôndo ver, mbatesen mba We U tsough hen, tar wase Wer ve hemen se ne, Ter wase iv ve a agee, na ve Jijingi u usu u ve hemba ityav yô.
Hemen ve gbenda dooshima a luun ve ityôugh, ken ishima gbem; gayô, U tôô ikyumyôngo ne, U gema ve orhemen iyôngo yô, i ungwa imo ve.
Aôndo haa ve iveren, iv ve sha jighjigh, shi ve hemen iyôngo You gbenda.
Aôndo se mbadondon ve kpa, na se se ungwan imo ve, or a de ne mhen u vihin, her atô u ortese a vese mayange ga.
Ngise Koraki man Datan kua Abiram, hen kwagh u bo sha Mose man Aron, Ter sen a iyugh sha ve, inya pav kwe, ve hungwa inya hide zua gbing gbing maa ve saa shin inya.
Se sugh nen mbatesen mba yan Aôndo bugh ve gbenda zan zan je ve va nyôr sha Tiv, ve pase iti i Ter wase Yesu, Tiv kpaa rumun Ter Yesu, kua mbavannya.
Seer se dooshima, seer se iember You, se dondo sha mbatesen man, mbaivangeli ishima i môm, Nahan U zua se ken Ter a iember.
Ter wase sen a iveren Sha la, va har ortese sha mon man sha ave, a veren, iyôngo You ken iti i Ter kua shi Wan man Icighan Jijingi. Amen.