De kera henen we Ter wase hungur se ga cii, ityô i Tiv, ancôvor shi kua ican or, kwasecôvor Ter wase Aba ngu nengen, purututu Yehova yaven ga.
Ter wase yaven ga, gba wan ishima ken hanma za iyol wou gbem tsô, shighe ngu van, wura nôô tsô kon aôô iyol.
M gbe u, Ter Aôndo, lu gba tar ne je se mbadondon, ken toho oo iyol ga, shi or umace oo u iyol ga, saa Aôndo Una nôô, ura ve kon aôô iyol, Tiv ôr, injakwagh ne, je er gba teman, aa ican you tsô, shighe gen, Tere va bee ican you
Tema ayou gir gir, tar u Benue, lu we a gba kwagh ga kpa, gema we u ngu, ikyese ii kwaghyan, ka Aôndo A ne u, iveren you ye, kwagh a vihi atôtyev ve lu wuan Tiv, inja er se hingir ikpan, orjime ngu shawon ga yô kpa ka kwagh gaa, ahoo! Gba pen-dan ashe sha Tor Ugbem tsô, shighe ngu van, ura nôô tsô kon aôô iyol
Imba ura ne, yange nôô, sha Yosev wan u Yakob, ken Igipiti, Yosev, kpan ne due ken gaadi, pase tor, Farou mnyam ye, aya tor, ken Igipiti, Yosev, kpan ne yange war tsombor, ijen, ken Igipiti ye, Haleluya, Hossanaa Aôndo nôô, tsô kon a ôô iyol ve.
Se mba ungwan, Obedi-edon lu ker shagba ga cii, kpa shi tor, Davidi za penda aleki hen ya u Obedi yô kwagh er, Yehova Ter, Na Obedi-edom yôgh yôgh kpishi gande ôron, angbianev, av mba doon shima, gba wan ishima ken ican tsô, veren ashe sha Yesu her gbem, a jighjigh u nan, ura nôô tsô kon a ôô iyol
A lu ungu amar, wan ga kpa gba wan ishima her di gbem tsô, umbur kwagh u Aberaham, yan za, ayange je kwase na, Sara de duen won, kpa ve mar, Isaka sha jighjigh, ikyôm kwase, Hana va mar Samuel, iember gbough hen shighe ne, ka pe Tor, ngu a sur se asema ne
Nasereti, gar u gban jime kpuaa, ken Iserael, kpa shi Tor, Yesu va due ker A yima tar, se ember ye, er inengen er Tiv gba kwagh ga mba kpuaa, kpa Aôndo Tor, Ngu nengen a ican yase, alaghga tsô ikyurior i Tiv, Ter penda se er iyange se va, lu ior mbahemen tar, shi tar ua lu shilen se, ka we vande ican u mase tor ye, ityôyam, va gule na jighjigh, hen Yesu, civir Ter wase sha gbashima, shighe ngu van ura nôô tsô kon aôô iyol
Ter, Uhemban Sha, Ngu A nôô, ura u iveren, sha awe yô, ageba, se er iyange se va, orwam, ka i ndôhôl we iyol, yer yer yer, ior mbatesen ave, sha awe er ka via ne ase shin ka un ga, abeem a bee di orshon shinii? Mba va sughun we sha, ati aa uter uter, shi mba ôron we, ka mo angbian u ngô u ungô uu ngôu, fa Tor, nôô u ura
A lu Aôndo Ngu ôôn, ikon i ken toho je kpa iyol, i a va gber ahaa ken usu yô, orumace sha ibeen, ii Tor Uhemban ngun Tor, Yehova a ôô nan, ihyuma ican, iyol ga shinii? ican ibanave, ican i kwaghyan, ican i kyondo shin alu ma angev je kpa,Ter wase A ôô sha awambe A Yesu vindi vindi
Se mba sônon, shagba Tor, aa mliam ashe, a jighjigh u nan, Ter se zamber, ma U nee, se u umace ura ken Jijingi sha awambe A Yesu, er ihyuma ii isholibo, abee ken vese sha, se za nyôr, ken gar u Shion, se hungur ican, Tor Yesu A na se mmem ugbem