Kwelegh, man mliam ve ngee ken tar ne, ci u iwoo-or ngee ayange man ayôôso utya igande ôron.

Alu we a, yem sha ityoghkitaregh, wea hide shin ityôtar u tagher sa ayôôso m-mem ngu je ga, hide ken imbusutariyan man imese, can shile sha or,u uma kera doo u nengen ga.

I gema wuan, u uma er ka ma,inyam ken toho yô, kwagh atser u uma se lu vaan ye, uya kpishi hegen u nyôr, yô mbayev mba kera lun a ior ga ve dumbur, ka ancôghalov ve mba a ter ga, man ungô ga mbamaren kpa, ka ape i lu ne, ve hingir u lun tswen ka pe tar u lu ne.

Mba shi vihin, ishule yase shi ve mba nanden se, uyaav sha hanma shie, man ayou ase aduaa yô ka pe se ôr ga, ihoghol, ye yol u nanden a je sha cihi, se de u civir We, se za civir ve er se mem yô kunya kôr, Tor, ka adudu je ve tim ve tile ve lu keghen we la.

Ka ma kenger, ken shima yam er Tar u vihi kpishi yum, yô i lum er Ter wase gema jime a tar ne, ve ican ne i tser se yô.

Aôndo Ter tsahan, ka A tsaha or, shin kyurior sha sholibo i eren, yan lu tsaha Iserael, sha kyev, Babilon achin imôngo, lu tsaha ve sha ikyev Ai, kua Mbaashiria,Ter alu ibo yase atôatyev a ye tor sha a vese, ve wuan vè nanden se yô gba den se a ibo yase tsô.

Kuma se iyol ken Tar ne, se fa keng, Ter wase u kaa imo tsô kpa se de vaan.

Se mba zamber, We Aôndo ka an se za gba nan, sha ikyum ve nan a ovor se, inya iyol ase Tere, nana a ese se mbi shima sha ashe, or u surun se shima ngu ga, ka We Ter Utsôron.

Yima se Tere, se se har ashe ase sha We,sha ci u awambe a waniyôngo, gba zungwen se mhembe ka u Wou, kwagh u hemban We môm ngu sha won ga.