Yange Yesu za ken Gerasene za tagher a orgenegh, de ikyondo i zeren, or ne undu ya za lu shin iwar, tsô er va kohol Yesu yô gba sha ishigh ki Ter Yesu gba zamber Un, Oryiman Ter kende pine kwagh

A pine un er, iti you er nyi? Kaa er, iti na er ikpila, ci u kpila i ujijingi mba bov nyôr ken or ne a kera yila iti na i marami la ga, hingir u yilan un er ikpila, Ter wanger un zua a iember, mba ve fe un yange ve kpiligh iyol

Mpin ne yô ahegen a shiligh sha ityough yasegh hegen ve, iti yam er ana? Iti you er ana? Nenge diabolo kaven er se mba Mbakristu yô a mgbegha ujijingi mba bov nyôr ken mbagen, hingir u lanen ikyaa hegen, uikpila ngee zan zan

Ka wea iin iti you i gema i hingir ormbaiv, mba yilan ior mbagen tor-liam, tor-anger, a mba idyakwase idya-or ipila-or, hanma inja i se eren yô ngi a ti cici, a gema or, ti sha kwagh u dang nan a va kule bov

Se mbagenev yô gwa za se sha inja i dang kpaa se kav ga, kwagh u alu u bo cii yô mba teren se gbem je, inja yase na se iti i dang ka se a nyôr, hen ijiir ka se tese lanegh, ior mba hunan se, ieren yase ia na se iti alu i dang yô se va kpela iyugh

Pe yange Pashur gbidye Profeti Yeremia mande un igbe, tsô kper nan dughun un ken igbe yô man Yeremia kaa er, Ter gema u iti a kera yila u Pashur ga kpa a yila er, Margo-Misabibi, mcieriyol, kase u tser purututu

U uma cii sha won, guda se yevese iyugh, iti i dang ngi ve a ican, ka a ôron kwagh u or u dang, shin tar ne je kpa ior mba paregh imba or la, man sha tar u Ter yô kera ka kwagh u ôron ga, se nyagh nen iti i dang se yô se er, nen inja i doon, i yilan se er Mbaperapera mbamimin man, mba lun a dooshima

Ter Aôndo Yehova yô se zamber, Icighan jijingi Wou A tile dông ôô se sha awambe a Waniyôngo, er se kusu iti i Kristu yô se kusu her gbem, iti i doon, sar se Aba Tor, mbaperapera yô Ter wase rumun ve