Me civir Yehova, Terem U nam, mo m ngu uma ken tar ne, Aba Ter u na mo isheer kpa m fa iti You

A nam ikyenge me wuese Un sha min, me sugh Ter Sha ityom Na a mo ken tar ne, Tor nam agee a jijingi m wuese We gbem sha won

Ka mo tswen tseegh ga, Tor ngu kuran se ken tar ne cica, ngu koson se sha hanma iyange, Tor penda uwer asan nga tsaren iwanger tugh, iyange tema di sha atetan ngi tan iwanger kpa shi ka ci wase, ngu pever se ahumbe ken tar ne cica, Tor tese mhembe Na ngee gande m sav a sav tsô, ityom You Ter wase i kuma iwuese se sugh Tor, va se gule anu inya, Tor hemba Un tswen-oo se kende nen a iti Na sha

Va se wuese Ter hemba ka an nan a kar, nan a kuma Na jimi? Lu wea mar shin wea mar ga kpa den teman zunguluu ga, or a lu a inyaregh shin, wea lu a min ga, wuese Ter ken mlu u a ne u, se nenge ikav hen Yobu, lu civir Ter ken mlu na, ken hanma kwagh cii

Yô tôô gbande se kuhwa Tor i shile iyol, se ndera icam, se lu teren Alefa man Omega iengem You, shi se tôô adigyuve se er ishor yôôn, iwuese Yehova-oo Ter tswen sha won

Anmgbianev, se yuwa kwen se wuese Ter sha indi Na i kehe i gande, mbaakacha di ve lu haan er sha Ter-oo, Ter U hemba ve, man kakaki a lu rumun, i tsa kaakaaka sha icivir i Ter-oo Tor Utsôron ka We tswen tseegh U kom u wuese ye

M ngu yilan tar cii, u va se civir Yehova sha gbashima, sha mimin ka sha ieren, ka sha u wan atsam la tseegh i lu ikyenge ga, ka sha u tesen mimin hen ior, man a lu ikyenge i kaan taver taver ye, se wuese nen Ter Aôndo akuraior a dondo iti Na

Jijingi u Ter Aôndo shi suwe se er, se civir We, a lu sha iyol tseegh ga Tor, na se agee Ter wase na se ikyenge i wang se kôndo se za wa atsam, vea mba Mikael shala-oo se ndera gericam a lu kuhwan Tor shala yôôn ser Hosana-oo Ter wase kuma Tor