Lu tindi u sha ayange a Yehova Ter wase yan lu na, ônov mbaiserael, kwagh u yan, ken taaikôngo ve A wa tindi nahan ye

Kwaghyan u Ter yange lu na ve, yô i lu mana oo, yan kaa er ve kuran un hanma yange, ilu pepe tseegh oo a ta yô, nenge Un a sough, shi ve ya cica ve de den er a tsa her je ga, un a tsa heregh un a hôô kape Aôndo kaa la

Hegen kpa anmgbianev se mba ka ken ikyôngo, taaikôngo u isholibo, ijen i fan Yesu ga ngi kôron se, ior kpishi hungwa ashe ikyôr, hegen doo u nengen ga

Kwaghyan u,Ter yange lu na ve ken ikyôngo u waren “u waren” ijen la a min yô hegen ne ityô yam, Tor na se kwaghyan wase ka Yesu, Oryiman, u kura kwagh, yan u kura mana la u ya ijen a kera bende a we mayan ga, ci u kwaghyan ne, yô ka u tsôron

M kura wase hegen yô ka u ngohol Yesu Ter, nan Un jighjigh, ivin a bem man shi dooshima, m ter kpuaa tsô, gema pepe la di jim yô ka se lu uma ne, hanma sev yô ka u civir Yehova tseegh la

Gurgur mba tar ne ka ve man ve lu oo ye ityô yam, u timbir ker u faityo u fan Yesu je ga, ijen a kaa kwagh a we ken ikyôngo, u vendan iti i Yesu yô ka msough na, un a sough eleghee u tser a min ga, or wam m-ban u mimin ken we yô a hôô, hôô bee vindi vindi

Nenge inja er, ijen i vihi tu ne, or nengen a mi ga kpa or môm lan i ga, ka wea ya pepe iyange a kar ka i lu u er been er sev u av u ya i bee u ga, man ijen i m lu ôron la hemba vihin, or u a fe Ter ga, igyamusu ngi sha ngi keghen nan ve Jijingi A lu yilan, yôôn er i va i va kura, kwaghyan-oo yô de timbir ashe ga

M ngu yilan we tar, mer va nen se ngohol Oryiman hegen er ian i shi her ne, Un u A ne se kwaghyan la ka ishima Na u or môm a kpe ijen ga, er u ôngo yô na jighjigh gema ishima tsô u va war or wam

Jijingi u Ter mbagen mba a fa er ka Yesu, A lu kwaghyan u uma ga, mayange nenge ve kav ga,Yese wase-oo shi wase ve ve na Un jighjigh