Kape Ter Aôndo tindi Esekiel hen ior mba ve lu ôron kwaghôron u profeti sha ie je ne ityô yam ,Ter pase wang er kwaghbo, ngu van sha u tseren ne

Ter Aôndo ngu kaan nahan, je kpa Ter tindi ve ga, shi ve mee ior kpishi je ve kaa er, Bem Bem, je kpa bem lu je ga, ve tsume, a ior kpishi je ka ôron Ter Aôndo er, kwagh a va tser ne je la

Hegen kpa profeti mban ve ban ken tar ne je ga ve yôô sha Radio man akômagbenda sha kyenge i taver er, Bem Bem, je kpa bem ngu je ga, gudugudu di yô ngu seer a seer gbem je, mba kaa er,Ter Aôndo ngu kaan nahan sha ci u vea zua a inyaregh vea koso icombor ve

Mbagenev, yô ve er uivande kpishi kpishi ka ie ci ca Ter Aôndo yol Na yô A tindi ve ga, or a kpen been ior angev, Aôndo Tor ngu ker ga cii, ior tsume ve dondo sha ie dondo gudugudu mba yemen ember er or-aôndo va ve or wan hide fefa, ga u va za tim je

Uprofeti mban kav er tar Najeria u hembe soon aie je yô kwagh er, mba ôron akaa sha ie sha ci u u i doo utor shi kua mbainyarev, mba veren ave sha ior mba ve lu haan awambe a ior inya ve lu tôvon mbaatsanev a ican ne er, Bem u Ter, Bem u Ter a lu a ven je, kwagh u tseren ne môm ngu je ga, kwagh doo ior tsô ior kough za dondo di mtsenge pasen u aiegh la gbing gbing

Tyom i Ter Aôndo tindi Esekiel hen Iserael ne kuma sha avese jighlii, Ter iyol Na ngu kaan er M pase iyugh ngi senen sha ior mba ve lu tsumen a ior ne, zamber wam a ven yô yevese nen iyugh, yevese yugh i Ter a icombor yen

Anmgbianev ian ne, ka ian i or nan a gba teman ga, ôron Bibilo hanma shien er or nan a tsume a we ga yô, or a er uivande nan a gema tar a chir inya kpa se yô mbadondon umbur amba ne Bibilo vande pasen