Nenge i mar mbagen ve bee iyange ga, tsô ve kar a kar mbagen ve tsa sha won ikov ikov sha inezwa i Ter, or u kwase a mar di nan ngu a mtsôr sha won ga

Ngu kôvor ayange a uma mbagen sha er A soo, ka sha ma ityôkyaa Na, vough er di shi A seer mbagenev kpa nahan, Ter penda a sha ishima Na or môm ngu a mfe keng ga

Ngu seer mbagenev er ve sôr anza mbagen yô kuma Ter U ve undu botar ne ve za mem ican, ior mbagenev i vaa ve sha ieren i bo ve,Ter tôô ve kera er bem a lu, ka pe Ivangeli i Yesu kpa ngu seer ior ayange je sha u yôôn i

Yô wea eren di sha ishima you kpaa ka er we u nenge i doo ken ishima u eren la, kpa fa iyange ngi di môm tsô, shien u kwagh a gbe sha uma wou shin shie u ikpamkor i Ter a kaa imo er ijir kuma la, ian i zamber ia lu ga, ka hegen i lu ian ye

Ian i eren kwagh u dedoo ka ian i mbakpenev ga, ka i mba-umav, yô me kaa ne, hen kwagh u un a lu u a inja ahegen man iyange i undun tar ne je kpa ia bur a mayan je ga

We ishima a vese kpa we ishima sha er A soo, lu washima gbem di sha ifer i Ahaba kpa va kure, ka se ivande i umbur gema kwagh u Anaian yô A kule fese, mbadondon se ungwa nen, se kuran nen ayol

A faityo u tôôn mo hanma iaven, mea hôngor sha ma iferkwagh, myem wam alu nana? Ka nahan i doo u se zenden sha mkor, anmgbian se er sulugha

A faityo u tôôn we hanma iaven wea kura iyol, aferakaa yô u yemen a iember, ka nahan i doo u se zenden sha mkor, anmgbian se er sulugha

U zungwem u lun uma mimi Aba Tor ka sha u mo msôr an-ieren wam u a doo ga la Jijingi wasem yese wam, suwem a kuma yô me yemen a iember

Ter Uhemban Aôndo yô na se agee, se sôr aeren a ase er shie wase un a kuma yô se yemen a iember