M fa kwagh ne, m ôron ne ye mbadondon, Yesu Ter wase iyol Na, kpaa lu ya ican ne, lu u yiman mo shi kua we ve, Oryiman va ya ican, i gande u ôron ye

Kpaa Oryiman, Ter wase yina shima, ken ican ne mayange je ga, A hemba ican shi kua Hade cica, ve A yem se se ember ye, se yôôn Hosana Wan Tor u Bem ye

Aluer yange Ter yan ma venda ican i yan, han ma se lu a iember zwa, u genger atsam zwa a iember, fa ka ican ne Ter Yesu yange rumun hemba ve se lu a iember ye

Sefanu kpa yange rumun ican sha tom u Ter ne, Paulu kpa yan rumun ican je shi kua ku, m kav Yohane je nahan,Yobu kpa ya ican je gba vanger, gema kwagh u gen kposo je ga, mba a iember sha, mba a iember sha mba tsuwen amar

Mbagenev, yô ve venda ican sha tom u Ter ne, ve undu Nongo u Kristu, ve yem, ve yô mba za ember a tar, mba kaan er ican i ken Kristu la gande ve, ahoo ka er ne fe ga yô, ican i ken Gehane la i gande, or wam cia i de i shin tar ne

Guda yô hide nen hen Ter Yesu, Oryiman Ter A zungwe ne, ve ne kera cia ican i tar ne ga ne war iyugh i Ter A ver ciki wen la, Un a zungwe ne mhôônom ve ne za nyôr tar u Shion la ye

Shima yam yô wa shima ya ican sha ci u Ter, i hee u shi i tuhwa u, i lam sha we dang, kpaa de yinan shima je ga, m zamber shima yam lu viing, keghen Yesu Ter A hide tsô, ican you jim i a hungur we u ngbough a iember je

M ngu yilan, tar cii va nen hen Yesu, Oryiman Ter A zungwe ne, Ter fa atsan a lu eren ne, shi A kegh ashe ven u ne va, Un a na ne iember i myom ne kera vaa atsan a tar ne ga

Cighan Jijingi, Ter wase de kenden se ga Tere suwe se lu se aga se hemba ican i tar ne se za mem sha tar u tsôron sha