Ior mba moughun Ter Aôndo, u kôndon sha We Aba Ter mimi U kaa se, je Wer ior mbagen a mough, mbagen yô saa mve u Wan Wou A mough a ior cica ye.
Kwelegh ngee je i gande, Tor, Utsôron ishima yina se, ahii ior mough ihundu kpurum gema bee er a mough cica, cii man Wan Wou A hide ye shinii? Ka er se yen, Ter wase se ule se lu yilan We ye.
Adam, yange hemba ato ken Eden lu ya kon, vea Ifa Tor u Uma man U bum U kaa Wer uma Wou yô, Un a lu ken or gbem ga, u kera tsa kpishi ga, kpa U kaa a or wer anyom a nan yô, a lu akundu ateratar, kpa gema hegen yô se mba zamber akunduatar, kpa uuma mba kera nyôron keng ga
Kundam iyol shie u Ter U va tim tar ne, sha mnger la, hii sha ayange a Noa la kpa uuma lu tsan sha won, kuman anyom deri imôngo je Noa tsa kuma, anyom deri utaankarunyiin man akunduahargber va a mase kpen ye man uuma hegen i er nan man anyom deri môm, se lu nyôron ga? Mbadondon ka mimin m ôron ye
Hen shie wase ne, or ka a tema na gba kpen her tsô, ka nan gba kpen ga yô anbeer, uange ne ngu a va kôr nan, shie u ior mbagen a ungwa ne, ka nan kpe a kundu a bunde heen yô aaikyôr kegh ku u wuan, ior sha igbinda kua shin mnger, u uma shi yem, ve za hen u purugh, sha agirgi, heen je yô ior deri imôngo ka ve kpe ichin imôm se er nyi? Tor Ugbem, i tume se uuma iyol, Ter ve se lu yilan We ye
Zan zan je yô Tor se fa ser alu, se a er afer kpa ka hen pe civir We se va, ve se va war ye, kpa nenge ior mbagenev gema, ve gema ajiir a civir We hegen, ka ikpagher i hônon mbera mbadondon, Oryiman Ter Yesu yô, wuan u uma keregh yô ior mbagen yevese, ior kpe ku sha bom je gande, gbuuka tim ior, Tor ahii kunda se iyol ve se yilan We
Nenge anmgbian u a yav heen ne kpa Ter wase u tôô uma yemen, sha a We yô Tor u Uma i kundam iyol m yem u henen sha uma wam, anmgbian wam we kpa shi hen kwagh sha uma wou tsô den henen ayange a Aôndo Un a nau la ga yô alu iyange imôm kpa na jighjigh, de u wan ayange fa shie u uma wase vese ga, de u keghen iyange la profeti Amoshi ôr kwagh
A kaa er iyange la, i alu ime hen mbera mba ve ban a jighjigh, hen Ter u Uma, ia lu ve inja er, or ngu yevese begha nan zua a dwem yô, nan nyôr sha u yeren ken iyou yô gema iyô i nyuma nan, nan a war hana? Or wam, Ter tese foto ne sha zwa u profeti na er se fa, er se gema asema yô
Aôndo Ter Tor Utsôron na Jijingi Wou A wase se, sha u kaven ken ishima m zamber,er yange a kôvor yô, man se fe er se lu keghen, keren ishigh You hen tar ne, er shie u U va yila se yô se yemen a iember sha
Shie bee aoo, fa er ayange a kôvor anmgbianev, hide dondo Ter, Aba na ayange a or kera shi her ngee je ga, nenge er, mbera mba ve moughun hen tar ne ka i ngôôr ga yô, ka shie u se na Ter jighjigh je ne se va nyôr, Peradiso a iember ye