Inja i mpin ne i va hen Yobu a lu or u ken tar u Ushi, shie u Ter Aôndo na ian, Satan, va nyôr a atsan hen ana yô, kwagh gande kwase na tsô kaa er a venda Aôndo a kpe kera, venda a na doo kpishi, mayange mayange je kpa Yobu yange gema kwagh ga

Hen amo kua anmgbianev hegen ne kpa atsan ne va nyôr je, a tema ken ishima yase ve, a tema sha ayol uuma, nyôr tema sha icombor icombor, a tema sha u ipaven man a nyôr tema sha i tar i tar cica

Atsan a lu tseren se hegen ne yô, ka ican i uangev, ican i kuugh a hegen, ican i mban u akaa hen umace kpishi, man u lun a or jime ga hegen ka ican, man ityav mbi nôngon, ubom mba va tan ayange ne ngee gande, mbakurantar mbagen ndyar mimi ve kende, ayange ne zan zan

Shi atsan a genegh a tser se uuma hegen ne kpishi, ican i kwaghyan a hegen ne i va ngee gande, u tôvon anmgbianev a ican ne i dumbur or kera ngu kuman sha kwagh u a lu u hen nan je ga, mbatomov mbagenev ken ugomoti vaa, kwagh u inya ikperan ne va ngee ayange ne zan zan

Mbakristu kpishi mbagenev nyôr ayange ne sha u pinen, inja impin i ngise kwase u Yobu pine la, we Orkristu we hule, er Yobu vande hulen

Atsan a lu van hen vese we Orkristu ayange ne cii, ka u karen se sha m-civir u Aôndo wase, er i lu u ve u lu yinan shima la, orgen ngu tômon mlu wou, uyaav asev mbakristu kpishi ican nyôr, Orkristu we gule msen, Aôndo Tor wase ongo mba sônon

Jijingi Wou A suwem Ter Aôndo, sha er mo di kpa me rumun ican i van hen amo Aôndo Tor, mea nyôr ken ican je kpa mayange me yina shima ga

Jijingi Wou A suwe se Ter Aôndo, sha er se di kpa se rumun ican i i ve hen vese se uuma, se a nyôr ken ican je kpa mayange se yina shima ga