M ngu sônon ka sha kunya je hen mbera mba ve ve sha u nyôron yô ma ve shi nem, i kendem kwagh, m ngu or u sônon di a sôn mpe tsô ngum iyol sha won ga

Ngise i mar or gen a due a iwan na i lu ken uya, lu or u sombon, sônon ior di a sôn, lu sônon ior, hen hunda u tempel u dooashe, tsô iyange sha tembe Peteru kua Yohane, ve gba zan msen yô, ve za tagher a or ne a lu sônon ior er ve kpa shi nengen a ve yô a bon ashe lu kenger sha u man ve ne un di ankwagh yô, kpa Peteru kua Yohane kaa er kwagh u nan we se mba a min ga zanaria kua shi azurufa u nan we se mba a mim ga mough zende sha ken iti i Yesu or Nasarati tsô kighir saghera mough lu tsuwen ember a mba Peteru imôngo lu ember yagh yagh

Mo kpa Terem m shar, hen kpe hunda u tempel u doon ashe ve msônon ye, sôrom ga yô Terem me zende sha zeoo, nam, agee ve Ter Yesu Terem me tsuwe amar ye

Iwan yam ne, ka iyolough ga Terem m ngu sônon, kpei ahii, m sombo ken uya je ve Ter m dugh ye, i jirem ken awambe a isholibo Aôndo wam, i marem ken yav mbu isholibo, shi m vese wam kpa ken tar u isholibo Tor Ugbem, m eren asorabo m sônon, agee tsô kpa mo a min iyol u mo me zende iyol yam, ga Terem Aôndo ka We U sôrom, u nam, tahav mbu mo me tsuwe amar me sugh Yesu

Isholibo i tema Tor, ken mo ka mea nguren u ma m er kwagh, u doon kpa Ter m faityô ga, ahii ku a ye Tor u uma m sônon, m eren akaa a ibume côv-côv Aôndo wam, anger iwuhe kua jimba, shima i nyion kpa ka tom wam liam i dang Terem m tswer ga ihom ikôron m sange, u sha dooshima na Cighan Jijingi A sôr ishima yam m undu, m undu aeren a ifer la, nam agee sha er mo me hendan kwagh a boishima u yuan u a tem ken mo la, Ter Yesu Terem nam agee sha er me zende sha mimi sha jighjigh Wou

Ior mba gen kpa ve gba awan shima ve fa ga ve yem u sônon mba azurufa kua uzanaria mba ken tar ne mba sônon inyaregh man shagba u ken tar ne ve hungur u sônon er Ter ma A sôr ve iwan i isholibo

Mba ve lu a iwan ishima ve va se va shar hen hunda u Tempel, u doon ashe, Tor u tsôron Un a iv se a Cighan Jijingi A sôr se ye, er yange A iv Peteru Yohane wanger, or u sombon, ve a lu tsuwen ember ave imôngo la se kpa Cighan Jijingi A sôr se, Un a wanger, ibo yase, ve se tsuwe amar yange i Yesu Ter wase Un a hide la