Me gule me zamber a Ter Uhembanagee, me vaa me gba U ikyum Ter U gema jime a vesee, Tor u Uma?
Se gule se zamber a Ter Uhembanagee, se vaa se gba U ikyum, Yehova Ter wase Aôndo Tor u uma Ter U gema ijime a vese shinii Uhembanagee? Gayô tar wase ne gbuusu gande se ve se yilan We.
Se mba zamber We Ter Yehova Aôndo, nenge yô tar wase ne gbuusu gande hegen Ter Aôndo u uma, ityav yisa tar ne tser kwagh u mbavia a mbavia kar tema hegen maa gande, hingir haghelaa ken tar ne mmem cuku ngu shawon ga
Shi mbaiv dumbur ken tar ne hegen. Ter Uhembanagee, mbera mba ma ve yange la kpa mbagen nyôr u cian, ior mbagenev yô ve yem sha ci u za tan kpandegh hen mbaiv, i iin i tseghan se mbagenev. Tar u gbuusu hegen ne, i gande se se yilan We
Kwagh u gen u shi a ne se ican yô ka iyongo i mbaishemael, Aôndo u uma se mba a memen ga, hingir hang ken tar ne cica. Ken ugeri je yô ka inja er hen ape za civir We kpaa saa ushoja mba kuran vea tile sha man a civir We ye
Bee kera yô, shi zegekwagh ugen ka kwagh u mbera mba ve man awambe a ior la. Tor wase Aôndo mba wuan ior mba nzughul a mbagen gande mmem ngu je ga. M ôr ken ishima tsô m yôhôr kwelegh mer ahii! Ku Ter Aôndo U gema ijime a tar shinii imba ne yumu? Gayô tar wase ne gbuusu gande se ve se yilan We
Tsô kuma iyol Ter Aôndo mvihi ngee, se umbur imo i yan’ U kaa wer: shie u mkurtar un a zurum yô atsan atô kposo kposo a nyôr kpa se ver asema ser ka mhii u ican se wa iyol la
Mhii u ican tseegh je kpa Aba Ter yina sha won ga, kpaa ashe ase nga sha a We, Aôndo Utsôron, awashima Wou ka u tar ne ma u fe er Ter Yesu zurum, se lu per kuran, kpa de nyôr se iyol Aôndo Tor, se zamber We ye. Ter wase Aôndo zungwe se mhôônom
Zungwe se mhôônom Ter wase tar gbuusu kpa u zungwe se mhôônom yô se yina asema ga
Suwe se mbadondon Ter wase tar gbuusu kpa se mbadondon ashe ase nga sha a We de kenden se ga