Ter yange, awambe a haan inya a mbaishôôv, a vese mbadondon, de me pande ajiir cuku, me ter hen mbadondon, tsô se fa er awambe a haan inya, alu kwagh u vihin Ter wase Aôndo ishima yô

Kain haa awambe, a angô na Abel yange tôô ican,Ter lu wa Kain ifan, er u zende a zende or môm a wua u ga, Kain tôô ican a zende gbaang kpa ilu ci u awambe a orishôôv la

Nenge shie, u Ter yange lu yima, Noa ken tso la, Ter Aôndo yan ya ikur a Noa man, tsombor na, Tor ta ve ichin er mô ve môm, a den haan, awambe a or ga, or u nan hee awambe a or yô ka or, shi nan a wua nan ye

Shi se nenge, ken atindi a Tor u tsôron yan na se, sha uwo u Senai la, Tor yange iwoo-or gbang gbang je A tsughul, ishigh a vese mbadondon

Nigeria ka nyi man, awambe a lu deemee ken tar wase? Kwagh u iwoo-or hegen, dumbur ken awe ve ka or, tôô indyergbuuka a kenger ikpilaior, nan wua cica a ishô ve iyol, uma u or ken tar ne hingir er ka inyamtoho yô

Nenge ka or agba keren, hemen ken tar ne, shishavaa ka akaa ci u awambe a mbashôôv, mba ngohol, akaa sha zwa u gbuuka ve nungwa awambe a mbashôôv, kape i lu haan mbashôôv, awambe sha igbinda atô kposo kposo me ôr, me bee sha won ga

Ka nahan ve Ter Aôndo A tôô iveren Na hen tar ne ve, ican i kohol se lu zenden, a ikyav sha ityo ye, nzegh nzegh se lu memen ga, yô se vaa afanyô shi se zamber Ter wase Aôndo, Ter A ungwa se amo

Se de haan awambe, a mbashôôv inya shi se de, aferakaa a genegh a Bibilo, i yange se la yô mbadondon, Ter A hide se za ya idyako u Tartor u tsôron, se ember sha la yagh yagh je se yôô Hosanna “Hosanna” u been ga