Ka nyi yange i na ve Ter Aôndo vaa afanyô sha mgbe u or, A pande ayange aa uma u nan, A tim tar shi Noa war a tsômbor na?
Yange lu sha er or, yan hii u ngeen yô ifer i nan kpa lu ngeen yô, ishima i or kua mhen u nan cii doo je ga, mba ve lu ônov mba Aôndo kpa ve lu eren asema ve.
Hen shie ne yô, ior lu a ngee ken tar ne, er se lu sha kov u ahegen ga, i lu tsômbor u Kain man u Setu, tsombor u Setu yô lu ior i Aôndo, kpa u Kain yô lu anomaior a bo, Aôndo kpa soo ve keng ga
Kpa ve mba Ter iyol Na, je lu tsuwa ve ve lu nongo Na ne nungwa a mba eren afer, ior mba wuan ior la lu tsombor u Kain, shi ve er kasev ker ve mar anomaior a bo, ifer lu seer zan zan
Ka kwagh ne man, Tor u Uma vaa afanyô sha mgbe u or A pande ayange a nan a shin tar, er or a tsaan anyom deri man ikyundu, er va kuma, tim tar ne sha zegeura mase, tseghan Noa war a tsômbor na sha ci u, Noa lu or perapera eren sha imo Na
Kov u se lu ker ahegen ne kpa, ior ngee kua ifer, se mbadondon yô, Ter tsuwa se mba nongo Na, se hingir ônov, yô se nungwa a tar ne sha ifer ga, pase kwagh u myom u Aôndo ior ve na Yesu jighjigh
Gema nenge er tar u lu zan ahegen yô, iwuhe ngee sha won, or u wuan ahegen hen mbagen cii, ka kwaghbo ga, mayange mba cian ga, shi idya kpaa i ngee, iv nyôr shin tar ne ngee or uma vihi gande ôron
Aôndo Ter tema ving sha ngu nengen, a eren a uuma, A ver iyange i Un a tim tar ne kera, mbera mba eren afer Un a kende ve ken igyamusu i pirin ga, vea lu ker gbem, mtsaha ve, ka utsôron, vea kpe inja er lu ayange a Noa sha won ga
Gema nen asema na nen Ter wase jighjigh anmgbianev, undu nen aferakaa tsô Aôndo Ter A rumun ne sha iyange Na ne war gyamusu ye, se mbadondon kpa umbur kwagh u Noa, or ti na Ter jighjigh, nungwa tar ne sha ifer je ga “alu or u perapera”, eren shima i Ter Aôndo iyange a war a tsombor na
Wea lu eren kwagh u ifer yô fa Ter vaa afanyô er Un gbe u, shi ayange Ou kpa A pande, we er perapera yô u ngu or u Aôndo man, Un a nyôr a we sha tartor u tsôron u ember gbem