Kpei ahii aye aye ka nyi kwagh jim jim ishi i ma m er a sule wam man m er ga ve u vende u umene?
M er sule u wain m wa igyar gbang gbang, m kase, m yisa u shi m vughur u man sule venda di u umen.
Inja kwagh ne Ter ôr lu iserael Ter lu ôron ye, yan vughur ve wa ve igyar je A kase A yisa ve lu ken atô sha ci u mbaihomov ve de kporom ikua a ve ga, igyungu i doon inya tar u Kaanan, Tor lu na ve, kpa ve kende imo i Ter u sha, ver Tor Utsôron yange kaa er Un a sough igyar Na, ior ve ndyar a ngahar u saa ishe
We Nigeria man Benue injakwagh ne kuma vough sha avese, Ter vughur se wa se igyar, sha Wan Na Yesu, hanma kwagh yô Ter na se ken tar ne kpishi, Ter na se kasev, A na se noov a ônov man inyaregh kpa Ter na se ken tar ne kpishi, kwaghyan dumbur man ka nyi i yen, ka nyi i yen se ve shi se lu vendan u eren ishima i Tor Ugbem
Kwagh u Bibilo i yange la ka un tar u lu eren ye, kasev nyôr uwondo mba huwan hegen ne ve gande ikondo i zeren, idya i er ken tar ne kpishi, i hunde ior mbagenev tsembelee mba zenden a zende idyelegh ningir, kpa ve tôô di ken asema ve er, ve yô, ve doo ashe, kpa ka mba ihundugh
Ifer dumbur, ayoo, mliam ger ken tar ne sha won, mba wuan ior ken tar ne ningir, liam u dang kpa ngee kpishi, mbagen kende tom u Ter ve yem pati sha ci u inyar man inyaregh kpa ki wa akper, nea zenda nan nan kpa ne kan shio u kôron
Nigeria yô, ka tar u u ngohol iveren hen Ter yô, kpa ve gema tar ne hegen u hingir tar u ifer, hanma ifer mba eren, Ter u A gba ve jim ve undu ve yem mbaaôndo mba kpenev mba civir, or uuma jimin ka i kôr nan i za er akombo a min, kpiligh iyol zan zan
M ngu pasen ne mer mba ve lu eren ne akombo mba yer a iti er kuraiyol, akombo jim nga kor uma ga ve mba eren ne a mba kpen hanma yange, uma ngu sha ikev i Ter Aôndo ka Tor Utsôron A lu kuran ye, Nigeria –oo aye ku m zamber shi hide shi hide hen Ter A de soughon igyar i A we se ga
Ter Aôndo wase yoghor a yoghor igyar tseegh kpa ka an i yen nan? or môm tsô kpa yina a nan ken tar ne je ga, wea lu icanor a yina u ga, shin wea lu ornyar a yina u ga, ica a gba ga angev a kôr u, u tôô inyaregh kpa u zua a cigh ki sôron angev shon a min ga, ican kohol we, mbatwerev jim kpa hegen ne yô ve vôr gbeda gbeda
Se puu ga cii, Aôndo Ter U ngu a shima, ishima You la i doo, zan zan, ku Tor a hii, se zamber se mba pinen We, alu ior akundu-ahar, Tor u Uma ve na jighjigh, kpa We u sough igyar ne shinin? Tor shin a lu ior ikundu kpa U sough igyar ne shinin? Tor gba zungwen se ken iti i Yesu tsô