U tema u ngu shin ku, mough sha due se yem, ande saghela undu to u boor, a hen zorough zorough u timin we.
U tema u ngu shin ku, we or u dondon u u we kwaghbo a or, ishima la fa ka shin ku, jim jim u lu ye ande saghela undu imba ieren la.
Ushiada mba tesen se er mbara mba kôron or ihom, ka ve gba a gba ikyu na-utu ve ngee, shi ve tese se er ambaaior la, jimin cii ka shin ku, ve yaven ye mough due or wam
Ishiada u hiihii lu Haman, penda ashe sha Modekai man, ityô na jimin un a wua ve keng, tim kon er un a sende Modekai kpa Ter yange mhen u orbo la, tsô ikyuen ta kera gema keren agongo yô i va wua Haman, shi i lu sha kon u a tim iyol na la
Ahaba kpa shi ihom na yô iyange venda mnenge u porofeti Mikaia, gema iyol a za ityav kpa war sha won ga
Shi Daniel kpa mbaihomov kase un, un man akar a na kpa ve lu ihom a na yô ve tim cii, ve kende Daniel shin ihungwa i ubegha kpa begha tswer Daniel, gande ve tsô tor, na zwa i kôr mbaihomov i kende ubegha sase a sase, Ter vande tesen, ivande sha akar a Daniel, mba kenden ve, ken usu hia kpa ve yô ve due eletete
Bibilo pase se doo doo er or u anmgbian u nan a doo nan ga la, nan tema ka shin ku za ase idyu ken ishima you tsô wea lu ihom a or yô anmgbian kav kwagh ne, wea tema ken iyou adua, ahegen ne kpa umbur, ka lough-mtem u tema shin ku
Anmgbianev, se mbadondon ken Cighan Nongo je kpa ihom nyôr ker, sha igbenda igbenda kposo kposo ior tema mba shin ku, alegh kpishi kpishi gba hingir tswam tswam ayol ave, mbatamen je kpa i kaha ga, Mbatesen kpaa mba ve ker ityough ga yô ve hungwa shin adôm shon vanger vanger, lanem ishima pe dooshima, ma a tem la se na ian ihom kar tema
Shie u gen mbahemen vea lu wuese, ma ordondon sha ishima i taver i nan, kpa mbiwuhev a puu sha, a kôr nan boihom u wuan nan fefa, ne mba ne dondo gbenda u Kain la, u wua anmgbian wou Abel mkur wou a lu chaveraa
Mbahenen pine Yesu er alu or a er u kwaghbo, a kuma kwa me man u de nan a? i lu zan zan je kwa taankaruhar shinii? Tor kaa er ka nahan tseegh ga i lu kwa akunduatargber, kwa taankaruhar kpa gba den nan tsô
Ishima i veren i Ter Yesu yô ka u gban den ior anzô ve gbem tsô, nahan se nyagh nen, iwuhe man mpav, man angereke, se dugh nen ishima i mo je ne ken avese sha, shi se de u kaan ser or bura se se kpa se bura nan, ityô yam, tom u iyev oron ka tom wase ga ka tom u Tor u gbem
Ihom i kôron, ngi yemen a ior shin ku zan zan yô se palegh i, or a er u kwagh a vihi u ishima kpa gba den tsô, a kende u ken ishima yô umbur mrumun u Ter Yesu lu na mbahenen la