Yosev, lu yevese kwaghbo u idya hen kwase u Potifa je a venda, a venda gbang gbang Yosev kar ayem undu kwase, war zôhô idya je due engekeke

Ka ikyav m tesen ye, akaa anger abo ken tar ne me tee ne ka idya tseegh ga, iv isharen i bo kua ihom hua man angereke, iwoo-or kpa purututu

Yô yevese, ga u de kwaghbo a kohol we yô u war hana, se ungwa ior Sodom hoghoum ken ifer idya yô ve tim cii, Ahaba lu tim vea kwase na Yesebel sha hua, Akan, lu iv tim sha min, yevese-aoo kem nen iyol er se va tim ga yô

U yevese kwagh, bo yô anmgbianev mbadondon de me pase ne, ka sha Jighjigh u mimin se yevese se war ye, a Jighjigh shio se war ga, yô kaven nen asema

Yesu, Kristu va pav se ônov nav ver se kposo je a kwaghbo, iwanger, yô ngi zough a ime ga ime zua iwanger ga, kpa nenge orihom, Satan a de ga shi ngu meen se, sha idya, msôrom u keren icivir me ter kpa me bee je ga, anmgbianev, yevese nen sha er se war mtim u gbem

Kpa or a norom sha ifer, kwagh di yô nan a nyôr sha ya u Tor, aser la ga, a kough, aferaior cica cii a haa ken mtim

Se mba sônon, Jijingi u Ter va suwe se, se yevese kwaghbo er, shie u Ter wase Yesu A hide se kondo sha yô, se za ngohol iember igbem i kera been maiyange ga ye