Ngise Aôndo Ter na, Solomon kwaghfan kpishi je kpa, Solomon, hide nyiman Aôndo ga, ior mbagenev yô ka vea zua a mfe kpishi yô, ve mba keren u fan Ter ga, kpa ka ve nyiman Ter Utsôron

Yange kasev uhar mar ve tsaan ijir imôm ugenegh, kighir wan na kpe tsô a tôô, a ver kwase u genegh u a lu yaven, kpa wan na lu her uma, la tôô wan na u yan lu uma la

Kwase la va nderen, yô nenge a wan u kpen la, man kav, er ilu wan na ga yô, tsô za pase Solomon er kwase u gen tôô un wan u uma, gema u kpen penda un, man tor, na zwa er i va a wan u uma la, tsô i tôô sanker hen shie la u paven karen ve

Tsô kwase u lu wan na la ngurum inya u zamber, er, i de paven je ga, kpa u yange i lu wan na ga yô kaa er i pav, tsô tor, gema wan la na kwase u yange kaa er, i de paven wan la ga la, kwaghfan u Solomon tese ne lu, Ter Aôndo yan na un ye

Kpa mfe, u or sha ishigh ki Aôndo ngu inja er, nan fa môm kohol môm, nan kera fa kwagh u gen seer ga

Aluer nea fa ga yô, lanegh ku Yehova Ter Aôndo, ku hemba mfe u orumace u a er igirgi i lu purugh la, man u a fe mgbeca u iyange man uwer, man asan cica la

Ne mba ne fe kwagh u inyiar ken tar ne man idyuran, shi ne fe mze u tyeku, shi ne lu a kwaghfan u eren kwagh u lamen a ior sha min la, pe tar u kighir kpaa ne fe la, shi fa nen henpe tartor u lu, nea fa ga yô sugh nen Aôndo, kwaghfan u Ter hemba ne, tor, Solomon nenge yô ka, gbilinkwagh u agbilinakaa tsô, ka u zendan a zenda ahumbe ningir

U zua a kwaghfan, ken tar ne a va na u professor, kpaa wea lu a fa Aôndo ga yô u fa kwagh sha ishigh ki Ter Aôndo ga, saa u fa Yesu Aôndo A nger u, iti ken mba lun a kwaghfan ye

Kpa mba ve fe er i hii ve hanma kwagh a lu, shi ve fe u eren man, sôron akaa ken tar cii, kpa ve fe Ter Yesu ga yô, ican i gyamusu ia tser ve keng

Se civir, nen Aôndo se fa Ter Yesu, mfe u fan Yesu ka mhii u kwaghfan, ngura un a wase se nyôr tartor u tsôron