Tavaku 2014
No. 2387
8 Avur · Terver I. Shagba · NKST LAGOS KELASE U TAVAKU
Mnder

Aluer or a rumun, Oryiman, sha mimi a ishima imôm, yô Yesu kpa Un a gema nan u lun wan u Tor Uma.

Mrumun

Mba ve rumun Yesu cii sha jighjigh u nan Ter A gema ve, u hingir, ônov Nav gbem a kera bee shawon ga.

Ivur 1

Sha m-mar u hiihii yô se cica cii se lu, ônov mba Aôndo mhen u Tor, man awaishima Na, u doon, lu sha vese diabolo kav, kwagh ne man va mee Ifa tsume gbenda ka hen zum ne, ônov hingir ker ikwe ikwe ye, mba Aôndo Yehova mba shi diabolo, kpaa a lu a kwe na ugenegh ye

×2
Ivur 2

Ônov mba Ter Aôndo yô ka mbera mba ve rumun Yesu, Adam u sha uhar ne ve ne jighjigh tseegh, Yesu Ti kpa gema, Na ve tahav mbu vea hingir ônov, mba Aôndo ka mba tartor u tsôron, m-mar ve ka sha awambe ga, shin, sha ishima iyolough ga Aôndo mar, ve sha Jijingi jim jim

×2
Ivur 3

Shi Bibilo ôr, se doo doo u ôr, ken Yohane u môm ityough ityar, hii ivur ateratar nyôr pue, i pase heregh vighe vighe ônov mba Aôndo, mba eren isholibo ga mba eren yô ka ônov mba orihom jim, u lu er isholibo hii hii, vor na u dondo un, kpa mba Tor wase Yesu isholibo i burun ve inja er aaikyôr, shi mkposo ve yô, ka ve vaa afanyô sha mimi jighlii

×2
Ivur 4

Se fa ve a lu sha atam a ve, dooshima msaaniyol bem ishimaiwan, shi mba lun, sar sar a ior shi mlu u dedoo mba a jighjigh u nan, ishima legh legh, mba kôron iyol tsaha, u dondon yô ve gema ishima i iyolough kua asaren a i, ve mande sha kon a Yesu cii

×2
Ivur 5

Aluun we di gagher sha ifer i eren, ityoronishima yô orwam, alaghga u na ian Ter Aôndo mar u hegh, ken Jijingi je ga, mba A mar ve ken Jijingi cii, mba eren kwagh môm er i hange ve ga cii saa Yesu, ka A hemen ve gbenda ye

×2
Ivur 6

Ter Aôndo u se civir Un ka Icighan Jijingi, mbera mba ve civir Un yô ve civir ken jijingi, man sha mimin ga yô zende gbenda wase ne, u ningir, sha mbamkohol, shi eren, akaa sha gbaishima ne aluer, Jijingi u Aôndo Ter A kaa, sha akaa ne ga yô, mvine u ikyôôr a vese la kaha je ga

×2
Ivur 7

Kwagh u a lu u doon yô Yesu, Ngu dughun ave Na hen hanma, or sha won,Yesu yô kaa er mba Ter, A nem yô vea va hen Mo, hanmô u a ve cii Me ta kera ga, shi Tor kaa, er va nen ase se hen nen imôngo, shin er, asorabo en a nyian bong, kpaa Mo Me kile a sha a kungu, a kungu wang er mou man awombo yô

×2
Ivur 8

Doo u hanma or a nenge ken ishima i nan, ken atô u, aeren a Jijingi man a yolough ne, u u aye tor, ken a we un a tese wea lu wan u Aôndo shi u orihom yô, wea zua a ibo ken ishima yô zamber Ter Aôndo, shi rumun, Oryiman, tsô u zua a tahav u lun wan Na, wan u tartor oo gbem a bee shawon ga

×2
Oricam
Terver I. Shagba