Or nan ngu sha ipyungwa ve se yer ior ye, or ngu se sha ipyungwa sha u, nan ior i elegh kpaa mbagen kav ga se yilan ye

Or u nan lu sha pyungwa ve se yer ior yô ka Yesu, man A lu sha ipyungwa ye, ior mba ve ve yô mba yan i elegh, ior kpishi mbagenev kav ga, ipyungwa a lu, kpa ve yô ve fa ga, ipyungwa ngi, i nyian, m fa m yer mer i va ye, angwe u ipyungwa ne yô me yôô gbem a ungwa cica, Oryiman ngu sha ipyungwa Tor ngu nan i elegh

I elegh ka uma u tsôron wea za yô Un a na u uma, u tsôron gbilin Yesu, Un a na u shagba, u tema tor vea Yesu, angyô er u ongo yô, ôr or, u a dondo a we la, a mough sha, a mough sha, angyô mough se za ngohol, ipyungwa se kpa se ya i elegh, de cian ga Ter wase hange or ga

Orakombo kpaa Ter Yesu ngu yilan er nan a va ngohol ipyungwa i elegh, ngohol, we or u idya, ngohol we oraie, de cian ga we icanor, icankwase kpa Ter wase hange ga, ngu nan mbera mba been ayol, gumkwase ikyaior ne mba hana? Ormbaiv kpa se mba yilan, nan a va ya i elegh, or u a ve yô a yina a nan ga, or u timbir la fa shie a kar yô u war iyol iyou

kegh nen ato me ôr ne diabolo, faityô u unden sha ipyungwa ga a kange gôgô iywev a tseghem a ar ga, a tule ityamegh kpa ki nyian ga, a tule atam a ta tihi, ki nyian lu je ga, ngu furun afur ior ave, ka a za na or, nan gba yan ican, or u dondon we de ye ga, i ngila ka i angen anyi

Mba ve fe ga mba yan i, ka or nyima i ange a gba vaan anyioo, mba vaan nombor ham won, mba haan azer zwa ange gande, ipyungwa kaa kwagh a ior nyôr ken Kristu je, sha kwagh u idya yô mbagenev a sôngo ve, inyaregh ki yemen a ior, pe kighir ve inya, ipyungwa i Satan a tim a tim ior yô ver ishima, nengenoo anmgbian wam, alu i elegh ga la yô de, i ngila ka i angen anyi

Hide ken tar ne kpa, ka or a lu u sha ipyungwa sha kwagh, nan a na u i elegh, a lu ken afishi a gometi kpa, u zua a tom ker a taver ga, we ya tor kpa ka er or lu u sha ipyungwa man, Tor shon u ye ye, m sav a sav,Yerusalem u sha la ngu hangen se, or ngu se shami ka Yesu Tor, Un a wase se nyôr ya u tsôron, Oryiman Yesu zungwe se se za tar u sha ye

Gbenda u or a kar, nan a ngohol ipyungwa i uma u tsôron, yô ka jighjigh u nan Ter la, shi u lu a dooshima, u sange a sange je ga, lu sar sar de gbe iwuhe ga, palegh, iyolgengese, shima legh legh u ya ipyungwa ye, Oryiman Un a na se i elegh i eletete

Ter Aôndo aoo, hemen se u van hen We sha er, er se ngohol ipyungwa i uma u tsôron, se za tar Wou Yerusalem u he se ya i elegh ye