U pasen anmgbian ibo shie u nan gbe ibo yô m nenge ka kwagh u doon, wea nenge anmgbian a er kwagh a shiu yô za pase ibo i nan, za za pase kpee de cian nan a she ga.
U pasen anmgbian ibo shie u nan gbe ibo sha mimin yô ka kwagh u doon, se gba nen wer ga, pase ibo de cian or ga nan a lu ngeghaa kpa de cie ga, wea lu isheer pase ibo de cian nan ashe ga.
Alu anmgbian a er kwagh man wea tôv sha kwagh u anmgbian a er la un a lu nan ibo yô za fefa pase nan, kaa a na je wer ieren ne i yina sha we, ordondon, we u ngu Icighanor, i kuma sha we ga cii, pase ken bem, alaghga kper nan a hen shin shima
Yohane yange pase ibo ne hen tor Herode yange kaa a na er, Tor u ngohol Herodia u Filibu, ka sha min ga kpishi, a ôr wang Natan pase ibo hen Davidi u Yese a cia un ashe ga
Shi Samuel kpaa pase Saulu ibo na er, a kende imo i Aôndo kôr tor Agagu uma kua ilev mbi dindimii, a kaa er, Yehova hungwa u tor, Peteru yan pase ibo hen Shimon orahir cia un ga, Paulu pase ibo, Elima a pir ashe tsu-tsu-tsu a nenge ga ye
Ayange ne kpa ikpilaior mba eren afer ken tar ne mbagen mba cian ashe, ihom norom ashe vese i gande se mba cian u pasen anmgbianev ibo ve
Nenge ka or er ifer kenôô or nenge a chihi a lam ga, mba via ngu a inyaregh man shi tahav nahan se yer kwagh na “a lu kpee yô” saa un a lu ga ior vea gba lamem ye
M ngu umbur ne mer ma or a de cian u pasen anmgbian ibo ga, ihom a norom ashe kpa de cian ga pase nan i, pase nan ibo la kpee nahan u wase nan shi kua we ve, de gbe lamen a or taver ga tôô shie tema imôngo a nan, pase nan er i doo u pase nan a nenge a min yô, pase sha bem nan a hen shin shima
Anmgbianev, yô a lu anmgbian a pase u ibo a lu sha mimin yô, we kpa tema hen ken shima de eren ieren i Herode je ga, Davidi yange rumun ibo Aôndo yan zungwe un, yô se kpa se a rumun ibo yô Ter wase Aôndo Un a rumun se
Ter u hemban agee Ter u Sha oo Aôndo wase oo na se agee Ou se rumun ibo hen mba wasen se, mba vendan ibo vea kôndo sha ga,Tor Ter oo hange se u zan tar Wou