Ngise Ahaba nyôr ken ku Profeti u waren un la, a venda imo na mbaaie mbera gema doo un kegh ato ungwan ve

Herode houghom iyol sha kwase u Filibu er ka u na yô, er Yohane va pase un ibo na ci u paregh iyugh yô de kôr wuhe, ihom i Ter Yesu yange i lu sha ci u ôron tar mimi u Tor u gbem ior hemba soon er a ôron kwagh u doon ve A undu imo i Aôndo man a doo ve shima ye

Nenge ônov kpishi hegen soo er i ter ieren i dang ve la jim ga, mbamaren ka ve kav nyian kpa mba cian, ka we ôr wang yô u soo ve ga. Kpa mba i eren a er ave la mba kulen sha u aeren ave

Kape kasev kpishi noov vev ka vea ôron kwagh u ma ve ôngo la ve soo ga, ve yevese noov keren inja kwagh i ve soon er i ôr ve yô. Ior mbagenev mba eren sha inja di ga eleghee man kasev ve ka vea ôr kpa ilu iyongo ka nan hua tswam iyol je nan soon u ungwan ga

Ior mbavesen sha uyaav, mbahemen agbaa a ityom kpishi, ugomna ator mbagenev ve kpera ihom, ka sha ciki u ôron sha er i gbe u ôron la, ka vea ôron sha mimi i kera doo ior shima ga

Mbavesen ator, a ugomna shi kua mbahemen agbaa-ityom kpishi mbagen mba nenge a ibo ve shawon ga, ior kpera i sha ciki u ôron ve kwagh u igbe u ma ve ôngo la. Er ve eren sha inja ga kpa u soo kwaghyan yô gbaa wuese tsô a doo ve gbangela

Nyôr ken Icighan Nongo kwagh ne dumbur u ôr wang yum u kpera ihom hen mbagenev, tar kera soo u ungwan imo i wasen ve ga ka icugh ngi i dio ior shima ye

Loho jim kpa mbapasen mba cian hegen, aferakaa a ior ve eren a kpogholoo la u pasen kwagh sha mi kpa adua wou jim ka a due ve shima, ahii anmgbianev oo de se ungwa nen kwagh u un a wase se yô

Mbera mba vendan imo i mimi mba kulen sha bo, Tor Ahaba kpa yange za kule sha bo, Guda u ungwan imo i waren se la

Mbera mba ungwan imo i mimi mba waren di shôm. Ter na se u ungwan kwagh u U na wase uma wase shin tar ne se va nyôr tar Wou