Or genegh ken Ethiopia, or ne a lu titor, i Kandasa, la, za Yerusalem, sha u za civir Ter Aôndo, a lu hiden tema lu sha ikyekye, i kpelan, lu ôron, kwagh ken takeda u Yesia yange gber yô, kav kwagh u yange lu ôron ga agba di u ôron tsô

Jijingi u Aôndo lu tindi, Filibu yange kaa er kporom ikua a ikyekye la, Filibu za nôôr yô man a pine er u kav, kwagh u we ulu ôron kpa? Or la kaa er a er nan ve shi me kav? Saa or a pasem, yan zamber a Filibu, er a unde ikyekye, tsô a unde tema, pase kwagh u Yesu hen or gbem ve yange mase kaven

Mpin ne ahegen, ngu pinen, or Ethiopia ga, ka hen vese mbadondon Jijingi ngu pinen se kwagh ne, er u kav kwagh u u lu ôron kpa? Shin u kav kwagh u u lu eren kpa? Wea kav ga yô nam ase ian, Me pase u, awashima u Ter tsô shi u mase kaven

Mbadondon, mbagenev jim kpa ve kav kwagh u ve lu kohol a mbakristu je ga, mba ôron ken Bibilo ayol ave je kpa mayange mba kaven ga, pine se Jijingi wer a er nan ve shi me kav jimi? Mbagenev hegen gema Bibilo tyough tingir, ka a ôr kwagh ve kôr i gema, sha mnenge ve la, mba haan iyugh sha ayol ave, Jijingi u Aôndo yô mem ga, ngu pinen ve er ne kav kwagh u ne lu ôron kpa? Nea kav ga yô hide pinem, orpinen tsumen ga

Shie u Yesu, yange lu pasen ior loho u Aôndo yô, ior kpishi ve dondo Un, sha uivande mba nengen, man mbagenev yô ve dondo, Un lu sha kwaghyan, kpa ve kav kwagh u ve lu dondon Yesu ijime ga, er kwaghyan va bee yô mbagen hide yem, pe mbadondon hegen kpishi ve lu eren la, mbazendan, ahumbe ityô yemen, kwagh u uivande kua mbamsen mba ior ve eren, la ve hange ve ye shi mba za keren myom hen ior, man myom ngu ka hen Yesu, kwagh ne tese di er ve kav kwagh u mba eren jim ga

Or Ethiopia pine Filibu me er nan ve shi me kav jimi? Filibu pase un kwagh, u loho u Aôndo a na jighjigh ye, we ka ana jim u lu pinen, wer nan a pase u, awashima u Tere? Pine se kwa ikyundu zua a mrumun

Ter u mbananjighjigh Aberaham, je kpa yange pine Yehova Aôndo kwagh, Pine kwa tar, A na un mrumun, Pine kwa taan kpa na mrumun. Sha kwa teratar kpa na mrumun u tesen er Jijingi u Aôndo nyion shima ga gba pinen kwagh tsô

Tor Ahashia, pine Jijingi u Aôndo kwagh ga a pine, aôndo u Ekeron, pe un a zua a mrumun ga, ishima yange i vihi Aôndo kar a na sha ye, se kpa alu se a lu pinen, jijingi u mbakpenev kwagh, u ma se lu pinen Jijingi u Aôndo yô,Ter iyol na Un a yuwe se yô se zua a pe waren ga

Pine ase, Jijingi, u Aôndo kwagh u a tsume u la, Un a pase u je ve a wanger we ye, orpinen tsum ga, Jijingi, ka or u wasen, u hemen se man, surun se shima zan zan tsô Ter A kar hiden