Ter yan ôr, se er shighe ngu van u, tar a va vihi kpishi, man iangev kpa mbia samber afer a ngee kpa shawon, man iijen ia gba, ican a er shawon anmgbianev hegen, ka shighen shon ne.

Kuma sha shighen, shon ahegen ngun tar ne u gbuusu ye, we yem, ken Yeropa kpa tar ngu tenger, wea yem Asia ngun ayôôso a lu ye, hide hen Nigeria inya ngi timin ior, Ter, ahii! Nenge ase ican va kohol se ve.

Er tar ne u vihi kpishi hegen yô, afer kpa seer, or ngu a yua ishôm nan, wua hegen cii, nan gber, wanmgbian er ka kon yô, nan wua ishima je i ta kwe ze, Kainaoo aye, tom u yan u, hii ngise la gba samber ve.

Me vaa, mvihi u tar ahegen ne, gande se pe se wa zwa ve, nenge yô, ayouaciigh ase hegen, taver ishe gba ganden se ve, ka sea gba, angev hegen yô pe se toghol cii kpa se fa ze, se toghol, angev shin ka injar i twer se togholo?

Anmgbianev, se umbur, mvihi u tar wase hegen yô, ma or sôron môm ngu ga, saa se zamber, Yesu Oryiman Una sôr u ye, yan kaa nahan er, ikyav mbi mbi yoho se se va hen a Na, Una shir se ikyav.

Yô, Oryiman, Ter ikyav mbin mbi yuhwa gande, Oryiman ter se zamber va shir se ikyav.

Sar se pe ior cica ve va hen Yesu, man ve va ne Ter wase jighjigh a ishima imôm sha er Uhemban cii, A wase se yô, man A na se ityesen i mimi nahan se kav er tar ne u lu vihin, za kighir yô, se hunde asema ken tar ne se penda ashe sha Oryiman.

A hemba ican, A hemba angev, shi kua mvihi u tar ne cica, sha ya Na ka atsam a wan, iember ngee, ka u sughun Tor, gbem shawon, a saan, se iyol sha ya Na, gbem mkur ngu shawon, ga.

Va se dondo, nen, Yesu ter wase er se za tar u doon, makwagh u vihin a za a nyôr ape se lu ze, Bibilo pase se er, ka Kaanan mmem u gbem je la.